يندۋستريا جانە ينفراقۇرىلىمدىق دامۋ مينيسترلىگى مەن ەكولوگيا, گەولوگيا جانە تابيعي رەسۋرستار مينيسترلىگى توزىعى جەتكەن 70 مىڭ ەسكى كولىكتى (جەڭىل جانە جۇك تەحنيكاسىن) قابىلداۋعا كۆوتا ءبولدى. ەندى 5-ءشى قاڭتاردان باستاپ كولىك قابىلداۋدىڭ ەلەكتروندى كەزەگى اشىلىپ, وڭىرلەردەگى 18 بەكەت ءوز جۇمىسىن باستايدى.
2022 جىلى ايلىق ەسەپتىك كورسەتكىش مولشەرىنىڭ وزگەرۋىنە بايلانىستى, كولىك قۇرالىنىڭ ساناتى مەن جيىنتىعىنا بايلانىستى 165 402 تەڭگەدەن باستاپ 606 474 تەڭگەگە دەيىنگى ارالىقتا بولادى.
|
كولىك ساناتى |
ايلىق ەسەپتىك كورسەتكىش (اەك) |
بەرىلەتىن وتەماقى (تەڭگە) |
|
م1 |
72 |
220 536 |
|
م1 (2) |
54 |
165 402 |
|
م2, N2, N1 |
144 |
441 072 |
|
م2, N2, N1 (2) |
126 |
385 938 |
|
م3, N3 |
216 |
661 608 |
|
م3, N3 (2) |
198 |
606 474 |
بيىل قازاقستاندىقتار ەسكى كولىك تاپسىرۋدان رەكوردتىق ناتيجە كورسەتتى. 2021 جىلى قازاقستاندىقتار 50 005 كولىكتى جويۋعا تاپسىردى. ونىڭ 37 495 جەڭىل كولىك, 4040 جولاۋشى جانە 8 470 جۇك كولىگى. ىستەن شىققان ماشيناسىن جويۋعا تاپسىرعاندارعا 13,833 ملرد تەڭگە قاراجات تولەندى.
ايماقتار بويىنشا كولىك تاپسىرۋدان شىمكەنت قالاسى الدا تۇر. اتالعان قالا تۇرعىندارى 12 068 كولىك وتكىزگەن. ەكىنشى ورىندا 5175 تاپسىرعان الماتى قالاسى جانە ءۇشىنشى ورىندا 4788 تەحنيكا وتكىزگەن تاراز قالاسى تۇر. تورتتىككە 3239 بىرلىك ماشينا تاپسىرعان قاراعاندى قالاسى جايعاسقان.
ىستەن شىققان كولىك قۇرالدارىن تاپسىرۋدى ىنتالاندىرۋ باعدارلاماسى باستالعاننان بەرى قابىلداۋ بەكەتتەرى 214 932 كولىك قۇرالىن كادەگە جاراتۋعا قابىلدادى. ونىڭ ىشىندە 194 163 جەڭىل اۆتوكولىك, 14 590 بىرلىك جۇك تەحنيكاسى جانە 6 179 بىرلىك اۋىر سالماقتىعى ماشينا. قابىلدانعان تەحنيكالاردىڭ بارلىعى قاراعاندى زاۋىتىنا كادەگە جاراتۋعا جىبەرىلەدى.
قابىلداۋ بەكەتتەرىنىڭ مەكەنجايلارى جانە ەلەكتروندى كەزەككە تۇرۋ recycle.kz سايتىندا «قالدىقتاردى باسقارۋ», ونىڭ ىشىندە «ەسكى كولىكتەردى قابىلداۋ» بولىمىندە ورنالاستىرىلعان.
