«ادىلەت مينيسترلىگى زاڭ جوبالاۋ قىزمەتى ماسەلەلەرى جونىندەگى ۆەدومستۆوارالىق كوميسسيا مۇشەلەرىمەن 2022 جىلعا ارنالعان جوسپار جوباسىن ازىرلەدى. باستاپقىدا جوسپار جوباسىندا پارلامەنتكە 31 زاڭ جوباسىن ازىرلەۋ جانە ەنگىزۋ قاراستىرىلعان بولاتىن. بيىل 10 قاراشادا جوسپار جوباسىن تانىستىرۋ بارىسىندا جوسپارلانعان زاڭ جوبالارىنىڭ نەگىزگى ەرەجەلەرى, سونداي-اق ولاردى ازىرلەۋ نەگىزدەرى باياندالدى. سىزدەردىڭ نازارلارىڭىزعا ۇسىنىلىپ وتىرعان جوسپار جوباسى پرەزيدەنت اكىمشىلىگىنىڭ ەسكەرتۋلەرىمەن پىسىقتالدى», دەدى مارات بەكەتاەۆ.
ءمينيستردىڭ اتاپ وتۋىنشە, زاڭ جوبالارىن پارلامەنتكە ەنگىزۋ مەرزىمدەرى قايتا قارالدى. سونداي-اق تۇجىرىمدامالارى ءتيىستى تالقىلاۋدى تالاپ ەتەتىن بىرقاتار باستاما الىنىپ تاستالدى. قالعان بولىگىندە جوسپار جوباسى وزگەرتىلگەن جوق.
«باياندالعاندى ەسكەرە وتىرىپ, پىسىقتالعان جوسپار جوباسى 26 زاڭ جوباسىن ازىرلەۋدى كوزدەيدى. ءبىرىنشى جارتىجىلدىقتا – 7 زاڭ جوباسى, ەكىنشى جارتىجىلدىقتا – 19 زاڭ جوباسى», دەدى ول.
