الماتى قالاسىنىڭ سپورت باسقارماسىندا ءمالىم ەتكەندەي, جەلتوقسان ايىنىڭ 4-27 ارالىعىندا وتكەن V قىسقى رەسپۋبليكالىق سپارتاكيادادانىڭ قورىتىندىسى بويىنشا جالپىكوماندالىق ەسەپتە الماتى قالاسىنىڭ سپورتشىلارى جەڭىسكە جەتتى (5795,4 ۇپاي). ەكىنشى ورىندى شقو كومانداسى الدى (5664 ۇپاي). ءۇشىنشى ورىن اقمولا وبلىسىنىڭ سپورتشىلارىنا بۇيىردى (2593 ۇپاي).
الماتىلىق اتلەتتەر 6 التىن جانە 5 كۇمىس مەدال يەلەندى. جۇلدەگەرلەر كۋبوكتار, مەدالدار جانە ماقتاۋ قاعازدارىمەن ماراپاتتالدى. سپارتاكيادانىڭ اياقتالۋ ءراسىمى بۇگىن «Almaty Arena» مۇز ايدىنىندا ءوتتى.
ەسكە سالا كەتەيىك, الماتىدا V قىسقى رەسپۋبليكالىق سپارتاكيادا 21 جەلتوقساندا سالتاناتتى تۇردە اشىلعان ەدى. قىسقى سپورت ويىندارىنا ەلىمىزدىڭ ەڭ مىقتى سپورتشىلارى: بياتلون, كەرلينگ, كونكيمەن جۇگىرۋ, مانەرلەپ سىرعاناۋ, شورت-ترەك, شايبالى حوككەي (ەرلەر), شايبالى حوككەي (ايەلدەر), تاۋ شاڭعىسى سپورتى, ارالاس شاڭعى, شاڭعىمەن سەكىرۋ, سنوۋبورد, فريستايل-موگۋل, فريستايل اكروباتيكا سپورت تۇرلەرى بويىنشا سىنعا ءتۇستى.
