ءورت ءسوندىرۋ قىزمەتىندە بولىمشە كومانديرىنىڭ ورىنباسارى لاۋازىمىن اتقاراتىن رافايل زاكيروۆ بيىلعى 20 قاڭتاردا كوپقاباتتى تۇرعىن ۇيدەگى ورتتەن ادامداردى قۇتقارۋ كەزىندە باتىلدىق تانىتقان ەدى. سول كۇنى دەپارتامەنتتىڭ ديسپەتچەرلىك پۋلتىنە اتىراۋ قالاسىنداعى ع.ابدراحمانوۆ كوشەسىندە ورنالاسقان №39 ءۇيدىڭ كىرەبەرىسى تۇتىندەپ جاتقانى تۋرالى حابار ءتۇستى. وقيعا ورنىنا №1 مامانداندىرىلعان ءورت ءسوندىرۋ ءبولىمىنىڭ كەزەكشى بولىمشەسى جەدەل جەتىپ, پاتەرلەردىڭ بىرىندە قارت ايەلمەن بىرگە بالالاردىڭ قالعانىن انىقتاعان ەكەن. «بولىمشە كومانديرىنىڭ ورىنباسارى, ازاماتتىق قورعاۋ ستارشيناسى ر.زاكيروۆ ارىپتەستەرىمەن بىرگە ءۇشىنشى قاباتتىڭ بالكونىنان كومەككە شاقىرعان قارت ايەلدى قۇتقارۋعا جەدەل كىرىستى. ول ءۇش ءيىندى باسپالداقپەن الدىمەن بالالاردى قاۋىپسىز جەرگە الىپ شىقتى. سودان كەيىن جەكە قۇرامنىڭ كومەگىمەن قارت ايەلدى ەۆاكۋاتسيالادى. زارداپ شەككەندەرگە العاشقى مەديتسينالىق كومەك كورسەتتى», دەپ ءمالىم ەتتى دەپارتامەنتتىڭ ءباسپاسوز قىزمەتىنەن.
ال قۇتقارۋشى نۇرسۇلتان جۇماعازيەۆ 7 جەلتوقساندا كوپىردەن جايىق وزەنىنە سەكىرگەن جۇكتى ايەلدى قۇتقارۋعا بەلسەنە اتسالىستى. بۇل ايەلدى قۇتقارۋعا الدىمەن پوليتسيا قىزمەتكەرلەرى قايىقپەن جەتكەن ەدى. بىراق ايەلگە العاشقى كومەك قاجەتتىگى تۋىندادى.
نۇرسۇلتان جۇماعازيەۆتىڭ جاسى – 22-دە. ازاماتتىق قورعاۋ سالاسىنا ءۇش جىل بۇرىن جۇمىسقا ورنالاسىپتى. ح.دوسمۇحامەدوۆ اتىنداعى اتىراۋ ۋنيۆەرسيتەتىن قۇقىقتانۋشى ماماندىعىمەن بىتىرگەن. ال 27 جاستاعى اسىلانبەك قۇمار – رەسەي فەدەراتسياسى توتەنشە جاعدايلار مينيسترلىگى اكادەمياسىنىڭ تۇلەگى.
اتىراۋ وبلىسى
