بۇل تۋرالى vRINGe.com پورتالى جازادى.
«ول وتە مىقتى. پاندەميا كەزىندە 12 ايدىڭ ىشىندە ءتورت كەزدەسۋ وتكىزىپ, بۇعان دەيىن جەڭىلمەگەن كاللۋم سميت, بيللي دجو سوندرەس جانە كالەب پلانتتان ايلاسىن اسىرىپ, الەمنىڭ ابسوليۋت چەمپيونى اتاندى. بيىل ءبىز ونىڭ ءتورت كەزدەسۋىنىڭ ۇشەۋىن ۇيىمداستىرۋعا كومەكتەستىك. بۇل ءبىز ءۇشىن ۇلكەن ماقتانىش. الداعى ۋاقىتتا دا كانەلونىڭ ايقاستارىن ۇيىمداستىرۋعا كومەكتەسەمىز دەپ سەنەمىز.
ەندى كانەلو بەسىنشى ديۆيزيوندى - ءبىرىنشى اۋىر سالماقتى باعىندىرۋدى ارمانداپ ءجۇر. مەن بۇل تۋرالى بوكسشىنىڭ كومانداسىنان ەستىدىم. مەنىڭ ويىمشا, ءساۋلدىڭ بۇل سالماقتى باعىندىرۋعا شاماسى جەتەدى. ول ەندى دميتري بيۆول, دجو سميت جانە ارتۋر بەتەربيەۆپەن كەزدەسۋى كەرەك دەپ ويلايمىن. ءبىر جىلدىڭ ىشىندە الۆارەس اتالعان ءۇش بوكسشىنى دا جەڭە الادى دەپ سەنەمىن.
ول قازىردىڭ وزىندە بوكستىڭ اڭىزىنا اينالدى. دەگەنمەن تاريحتى جاڭارتۋ ءۇشىن كانەلو بۇدان دا كوپ دۇنيە ىستەي الادى. ونىڭ ۇستىنە ساۋل مەن ونىڭ باپكەرى ەددي رەينوسا بۇل تۋرالى ايتىپ ءجۇر. ەكى سالماقتا الەمنىڭ ابسوليۋت چەمپيونى بولعانىن ەلەستەتىپ كورىڭىزشى. سول كەزدە ول شىنىندا دا, بوكس تاريحىنىڭ اڭىز بوكسشىلارى اراسىندا كوش باستايدى. جۋىردا مەن رەينوسومەن سويلەستىم. الداعى ۋاقىتتا ءبىز ولارعا رەسمي ۇسىنىس جاسايمىز. ال شەشىمدى ولار قاڭتاردا شىعاراتىن شىعار», دەيدى پروموۋتەر.
