بۇل تۋرالى ەكىباستۇز قالاسىنىڭ اكىمى ارداق قاڭتارباەۆ وڭىرلىك كوممۋنيكاتسيالار قىزمەتىندە «ەكىباستۇز قالاسىنىڭ الەۋمەتتىك-ەكونوميكالىق دامۋى» تاقىرىبىندا وتكەن ءباسپاسوز كونفەرەنتسياسىندا ايتتى.
بيىل «فەرروترانسترەيد» جشس سەرپىمدى كلەممالارى مەن رەلستىك بەكىتكىشتەرىنە ارنالعان جول بۇرانداسىن شىعاراتىن زاۋىت ىسكە قوسىلادى. «پرومماشكوملەكت» جشس ءوندىرىستى جاڭعىرتۋدى اياقتادى. بۇل زاۋىتتىڭ وندىرىستىك قۋاتىن ارتتىرىپ, جىلىنا 300 مىڭ تەمىرجول دوڭگەلەگىن شىعارۋعا مۇمكىندىك بەرەدى. اكىمنىڭ ايتۋىنشا, جاڭا سەگىز ءوندىرىستى ىسكە اسىرۋ ءۇشىن الەۋەتتى ينۆەستورلار بار. اعىمداعى جىلى فەرروقورىتپالار ءوندىرىسى بويىنشا مەتاللۋرگيا سالاسىنا «Fesil GROUP», «Mineral Product» جانە «EkibastuzFerroAlloys» جوبالارى تارتىلدى.
«جالپى كەشەندى جوسپاردى ىسكە اسىرۋ قورىتىندىسى بويىنشا 2025 جىلعا قاراي ەكونوميكانىڭ وەك-كە تاۋەلدىلىگىن 12,1%-عا تومەندەتىپ, نەگىزگى كاپيتالعا سالىنعان ينۆەستيتسيالار سوماسى 737 ملرد تەڭگەنى قۇرايتىن بولادى. شاعىن جانە ورتا بيزنەس سۋبەكتىلەرىنە مەملەكەتتىك قولداۋ شارالارىن ۇسىنۋ شەڭبەرىندە جۇمىس ىستەپ تۇرعان سۋبەكتىلەردىڭ سانىن 8,5-تەن 10,0 مىڭ بىرلىككە دەيىن ۇلعايتۋ جوسپارلانۋدا», دەدى ارداق قاڭتارباەۆ.
ەسكە سالا كەتەيىك, قاراشا ايىندا پرەزيدەنت قاسىم-جومارت توقاەۆ ەكىباستۇزعا جۇمىس ساپارى بارىسىندا سەرپىندى كلەممالار مەن بۇراندالار شىعاراتىن «فەرروترانسترەيد» زاۋىتىن ىسكە قوسقان بولاتىن.
