نۇر-سۇلتاندا 28 قازان مەن 28 جەلتوقسان ارالىعىندا كوروناۆيرۋسقا قارسى ۆاكتسينا العان زەينەتكەرلەر سارىاعاش (تۇركىستان وبلىسى), وقجەتپەس (اقمولا وبلىسى), مويىلدى (پاۆلودار وبلىسى) شيپاجايلارىنا تەگىن جولداما الۋ مۇمكىندىگىنە يە.
ۇتىس ويىنىنا ەلوردانىڭ كەز كەلگەن ۆاكتسيناتسيا پۋنكتىندە ۆاكتسينانىڭ ءبىرىنشى كومپونەنتىن العان زەينەتكەرلەر قاتىسا الادى.
بايقاۋ ادەتتەگىدەي اۆتوماتتى رەجيمدە وتكىزىلەدى. ازاماتتارعا قۇجاتتاردى تولتىرۋدىڭ جانە تىركەۋدەن ءوتۋدىڭ قاجەتى جوق. ساناتوريگە جولدامالاردىڭ ۇتىس ويىنى نۇر-سۇلتان قالاسى اكىمدىگىنىڭ رەسمي پاراقشالارىندا (Facebook, YouTube) تىكەلەي ەفيردە وتەدى.
ايتا كەتۋ كەرەك, نۇر-سۇلتاندا كوروناۆيرۋسقا قارسى ۆاكتسيناتسيالانعاندار اراسىندا مالديۆكە ەكى ادامعا جولداما جانە باسقا دا باعالى سىيلىقتار ويناتىلادى. كوروناۆيرۋستىڭ جاڭا «وميكرون» شتامىنىڭ تارالۋىنا بايلانىستى شەتەلدە ورىن العان قولايسىز ەپيدەميولوگيالىق جاعدايعا بايلانىستى ۇتىس ويىنى 2022 جىلدىڭ اقپان ايىنا اۋىستىرىلدى. وعان 2021 جىلدىڭ 25 قازانىنان 2022 جىلدىڭ اقپانىنا دەيىن ۆاكتسينانىڭ 1-ءشى كومپونەنتىن العان ۆاكتسينالانعاندار قاتىسادى.
بۇعان دەيىن ەلوردا اكىمدىگى دەمەۋشىلەرمەن بىرلەسىپ كوروناۆيرۋسقا قارسى ۆاكتسيناتسيالانعاندار اراسىندا ەكى بولمەلى پاتەر, اۆتوكولىك, 20-دان استام iPhone12, تۇرمىستىق تەحنيكا جانە باسقا دا باعالى سىيلىقتار ويناتىلدى.
Birge پلاتفورماسىندا ۇتىس ويىنىنىڭ جەڭىمپازدارىن انىقتاۋ ءۇشىن ارنايى راندومايزەر سەرۆيسى ورناتىلعان, ول جۇلدە يەگەرلەرىن ۆاكتسيناتسيالانعانداردىڭ ID گەنەراتسياسى ارقىلى تاڭدايدى. ونى ازىرلەۋگە IT-قاۋىمداستىق تا قاتىستى. ۆاكتسينالانعاندار بويىنشا سەرۆيس قر دەنساۋلىق ساقتاۋ مينيسترلىگىنىڭ اقپاراتتىق جۇيەسىمەن بىرىكتىرىلگەن.
باعالى سىيلىقتاردىڭ ۇتىس ويىندارى ازاماتتاردى ۆاكتسيناتسيالاۋعا ىنتالاندىرۋ ماقساتىندا وتكىزىلەدى. تەك ۆاكتسيناتسيا ءسىزدىڭ جانە جاقىندارىڭىز بەن اينالاڭىزداعى ادامداردىڭ دەنساۋلىعىن قورعاۋعا مۇمكىندىك بەرەدى.
ويتكەنى, باستى ماقسات - ۇجىمدىق يممۋنيتەتتى دامىتۋ جانە بۇرىنعى كارانتينگە دەيىنگى رەجيمگە ورالۋ.
