وقيعا 17 جەلتوقساندا ورىن الدى. قاراعاندى وبلىسى وساكاروۆ اۋدانىنىڭ پوليتسيا بولىمىنە كەنتتەردىڭ بىرىنەن ەكى اۋىل تۇرعىنى اراسىندا قاقتىعىس بولعانى تۋرالى حابارلاما كەلىپ ءتۇستى.
وقيعا ورنىنا دەرەۋ جەتكەن تەرگەۋ توبى ەلەۋلى سالدارعا اكەلگەن جانجال بۇرىنعى وكپە-رەنىشتەن باستالعانىن انىقتادى.
«سوزگە كەلىسىپ قالعان ازاماتتاردىڭ جانجالى توبەلەسكە ۇلاستى, كەيىن ولاردىڭ ءبىرى, 35 جاستاعى ەر ادام ۇيگە كىرىپ, وزىمەن بىرگە اڭشىلىققا ارنالعان مىلتىعىن الىپ شىعىپ, وعان وق جاۋدىردى. اتىستان زارداپ شەككەن ادام قاراعاندىنىڭ مەديتسينالىق مەكەمەسىنە جەتكىزىلدى. كۇدىكتى ءوز كىناسىن تولىقتاي مويىندادى», دەپ ءتۇسىندىردى قاراعاندى وبلىسى پد ءباسپاسوز قىزمەتى.
تەرگەۋ بارىسىندا كۇدىكتىدەن زاتتاي دالەلدەمەلەر, مىلتىق پەن گيلزا تاركىلەندى. قر قك 293-بابى «بۇزاقىلىق» بويىنشا قىلمىستىق ءىس قوزعالدى. قازىرگى ۋاقىتتا تەرگەۋ امالدارى جۇرگىزىلۋدە.
