كەڭەس جۇمىسىنا اقپارات جانە قوعامدىق دامۋ ءمينيسترى ا.بالاەۆا, سونداي-اق قر پارلامەنتى ءماجىلىسىنىڭ دەپۋتاتتارى, بارلىق وڭىرلەردەن بىرقاتار كەڭەس مۇشەلەرى قاتىستى.
مينيستر بيىل پرەزيدەنت «ۇلتتىق جوبالار تىزبەسىن بەكىتۋ تۋرالى» جارلىققا قول قويعانىن ەسكە سالدى.
ء«بىز تاۋەلسىزدىكتىڭ ءتورتىنشى ونجىلدىعىنا ۇلتتىق جوبالار اياسىندا جاڭا مىندەتتەرمەن ەنىپ وتىرمىز. سونىڭ ىشىندە, «ۇلتتىق رۋحاني جاڭعىرۋ» ۇلتتىق جوباسى بارىن بىلەسىزدەر. «تاۋەلسىزدىك ۇرپاقتارى» وسى جوبانىڭ ءۇشىنشى اۋقىمدى باعىتى. ونىڭ اياسىندا, جاستاردىڭ بازالىق سۇرانىستارىن انىقتاپ, ساپالى جانە قولجەتىمدى ءبىلىم بەرۋ, جۇمىسقا ورنالاستىرۋ, تۇرعىن ۇيمەن قامتاماسىز ەتۋ, ولاردى قوعامدىق پايدالى ىستەرگە تارتىپ, باسەكەگە قابىلەتىن ارتتىرۋ سىندى ناقتى ماقساتتار كوزدەلگەن», دەدى ا.بالاەۆا.
مينيستر رەسپۋبليكالىق جانە وڭىرلىك جاستار ۇيىمدارىن ءوزارا بەلسەندى ءىس-قيمىل جاساپ, قارىم-قاتىناس ورناتۋعا شاقىردى.
«جاستار ۇيىمدارى قوعامدىق ماڭىزى بار جوبالاردى ىسكە اسىرۋى ءتيىس», دەپ اتاپ ءوتتى ا.بالاەۆا.
ءىس-شارا سوڭىندا مينيستر كەڭەستىڭ بەلسەندى جاس مۇشەلەرىن العىس حاتتارمەن ماراپاتتاپ, بارلىعىن تاۋەلسىزدىكتىڭ 30 جىلدىعىمەن قۇتتىقتادى.
