قوس ەل اراسىندا قاتىنايتىن ۇشاق اپتاسىنا ءبىر رەت - سەنبى كۇندەرى ۇشادى.
بۇدان باسقا, الماتى قالاسىنان دا ۇشۋلاردى جۇزەگە اسىرۋ كۇتىلۋدە.
«2022 جىلعى 18 قاڭتاردان باستاپ سارسەنبىدە اپتاسىنا 1 رەت جيىلىكپەن الماتى-سوچي باعىتى بويىنشا ب737/ا321 ءتيپتى اۋە كەمەلەرىمەن ۇشۋ ورىندالا باستايدى», دەپ حابارلادى قر يدم ءباسپاسوز قىزمەتى.
نۇر-سۇلتان - سوچي جانە الماتى - سوچي باعىتتارى بويىنشا اۋە قاتىناسىن قالپىنا كەلتىرۋگە قازاقستان رەسپۋبليكاسىنىڭ اۋماعىندا كوروناۆيرۋستىق ينفەكتسيانىڭ پايدا بولۋى مەن تارالۋىنا جول بەرمەۋ جونىندەگى ۆەدومستۆوارالىق كوميسسيانىڭ جانە رەسەي فەدەراتسياسىنىڭ اۋماعىنا جاڭا كوروناۆيرۋستىق ينفەكتسيانىڭ اكەلىنۋى مەن تارالۋىنىڭ الدىن الۋ جونىندەگى جەدەل شتابتىڭ شەشىمدەرىنە سايكەس رۇقسات ەتىلەدى
ۆەدومستۆودا اتاپ وتىلگەندەي, رەيستەردىڭ ودان ءارى ۇلعايۋى ەپيدەميولوگيالىق جاعدايعا جانە قر ۆەدومستۆوارالىق كوميسسياسى مەن رف جەدەل شتابىنىڭ ءتيىستى شەشىمدەرىنە بايلانىستى بولادى.
رەيستەر سانيتارلىق-ەپيدەميولوگيالىق تالاپتاردى قاتاڭ ساقتاي وتىرىپ, بەكىتىلگەن كەستەگە سايكەس ورىندالاتىن بولادى.
