ماسەلەن, جەكە تۇلعالاردان جانۋارلارعا قاتىگەزدىكپەن قاراعانى ءۇشىن ايىپپۇل ەندى 5 اەك-ءتى, ال لاۋازىمدى تۇلعالارعا – 10 اەك-ءتى قۇرايدى. قولدانىستاعى زاڭدى قايتا بۇزعانى ءۇشىن ايىپپۇل سوماسى 4 ەسەگە ارتادى.
سونىمەن قاتار سەناتورلار قابىلداعان زاڭدا جانۋارلاردى قورعاۋشىلاردىڭ ۇسىنىستارى ەسكەرىلەدى. وكەاناريۋمدەر, دەلفيناريلەر مەن جانۋارلار كورمەلەرىن قۇرۋعا جانە ولاردىڭ قىزمەتىنە تىيىم سالىنادى. الايدا, مۇنداي بيزنەستىڭ يەلەرى ءوز بيزنەستەرىن جويۋ نەمەسە قايتا قۇرۋ ءۇشىن بۇل نورما 2025 جىلدان باستاپ, ال دەلفيناريلەر ءۇشىن 2029 جىلدان باستاپ كۇشىنە ەنەدى. سونداي-اق زاڭ بويىنشا ازاماتتار مەن قوعامدىق ۇيىمدار جۇزەگە اسىراتىن قوعامدىق باقىلاۋ ينستيتۋتى دا ەنگىزىلەدى.
«مەملەكەت باسشىسى جولداۋدا جانۋارلاردى قورعاۋعا قاتىستى قۇقىقتىق قاتىناستاردى زاڭنامالىق تۇرعىدان رەتتەۋ قاجەتتىگىن ايتقانى بەلگىلى. وسى ورايدا بۇگىنگى كۇنى قابىلدانعان زاڭدار جانۋارلارعا جاۋاپكەرشىلىكپەن قاراۋ, ولاردىڭ يەلەرىنىڭ مىندەتتەرى, جەرگىلىكتى وكىلدى جانە اتقارۋشى ورگانداردىڭ وسى باعىتتاعى قۇزىرەتتەرىن رەتتەيتىن قاعيداتتاردى بەكىتۋگە باعىتتالعان», دەپ اتاپ ءوتتى سەنات توراعاسى.
