الەم • 23 جەلتوقسان, 2021

اقش-تا كوروناۆيرۋسقا قارسى تابلەتكالار قولدانۋعا رۇقسات بەرىلدى

1 مين

وقۋ ءۇشىن

اقش-تىڭ ازىق-ت ۇلىك جانە ءدارى-دارمەك باسقارماسى (FDA) Pfizer كومپانياسىنىڭ كوروناۆيرۋسقا قارسى «پاكسلوۆيد» تابلەتكالارىن قولدانۋعا رۇقسات بەردى, دەپ حابارلايدى Egemen.kz.

گاۋھار قاپاش

اقش-تا كوروناۆيرۋسقا قارسى تابلەتكالار قولدانۋعا رۇقسات بەرىلدى

بۇل تۋرالى Reuters اگەنتتىگى ءمالىم ەتتى.

«پاكسلوۆيد» - بۇل 12 جاستان اسقان ادامدار ءۇشىن اقش-تا جاسالعان جانە ماقۇلدانعان العاشقى ءدارى. ءدارى-دارمەك امەريكالىقتار ءۇشىن وسى دەمالىستان باستاپ قول جەتىمدى بولادى.

پرەپارات دارىگەردىڭ نۇسقاۋى بويىنشا عانا بەرىلەدى. COVID-19 دياگنوزى قويىلىپ, سيمپتومدار باستالعاننان باستاپ بەس كۇن ىشىندە ءار 12 ساعات سايىن ءىشۋ ۇسىنىلعان.

اق ءۇيدىڭ كوروناۆيرۋسپەن كۇرەس جونىندەگى ۇيلەستىرۋشىسى دجەففري زينتس اقش ۇكىمەتى قاڭتار ايىنا دەيىن 265 مىڭ ەمدەۋ كۋرسىن وتكىزەدى جانە كەلەسى ايلاردا جەتكىزىلىم ارتادى دەپ مالىمدەدى. اقش بيلىگى التى اي ىشىندە تاپسىرىس بەرگەن 10 ميلليون كۋرسىن الادى. اقش ۇكىمەتىنىڭ 10 ميلليون تابلەتكاعا ارنالعان كەلىسىم-شارتى ءبىر كۋرس ءۇشىن 530 دوللارعا باعالانادى.

دارىگەرلەر بۇل پرەپارات وميكرون شتامىنا جانە كوروناۆيرۋسقا قارسى ەكپە الۋدى قالامايتىن ادامدار جاعدايىندا مەديتسينالىق جۇيەنى جەڭىلدەتۋگە كومەكتەسەتىنىنە سەنىمدى.