وبلىستىق پد مالىمەتتەرى بويىنشا, 2021 جىلدىڭ باسىنان باستاپ پوليتسياعا ينتەرنەت-الاياقتاردىڭ ارەكەتتەرىنەن زارداپ شەككەندەردىڭ وتىنىشتەرى تۇسە باستاعان.
«الاياقتار ميكروكرەديتتىك ۇيىمدار ارقىلى وزگەنىڭ اتىنان 105 مىڭ تەڭگەدەن 140 مىڭ تەڭگەگە دەيىن قارىز راسىمدەگەن», دەپ جازادى پد ءباسپاسوز قىزمەتى.
جەدەل-ىزدەستىرۋ شارالارى بارىسىندا پوليتسەيلەر شىمكەنتتىڭ 26 جاستاعى ەكى تۇرعىنىن ۇستادى.
«جالعان بانكتىك كارتالارىن پايدالانا وتىرىپ جالپى كولەمى 17 ملن تەڭگەگە ماتەريالدىق زالال كەلتىردى. ولار بۇكىل رەسپۋبليكا بويىنشا ارەكەت ەتكەن. پوليتسەيلەر كۇدىكتىلەردىڭ ينتەرنەت-الاياقتىقتىڭ 150 فاكتىسىنە قاتىسى بار-جوعىن انىقتاپ جاتىر», دەپ قوستى دەپارتامەنت.
پوليتسيا قر قك 190-بابى «الاياقتىق» بويىنشا قىلمىستىق ءىس قوزعادى.
تەرگەۋ امالدارى جۇرگىزىلۋدە.
