وبلىستىق كاسىپكەرلىك جانە يندۋستريالىق-يننوۆاتسيالىق دامۋ باسقارماسى باسشىسىنىڭ مىندەتىن اتقارۋشى قانىش مامبەتوۆتىڭ ايتۋىنشا, جاڭا تسەح نارىقتى ساپالى تاۋارلارمەن قامتىپ قانا قويماي, جەرگىلىكتى تۇرعىندارعا جاڭا جۇمىس ورىندارىن ۇسىنادى. قازىر اتالعان تسەحقا 20 جاس مامان جۇمىسقا ورنالاستى.
– جەرگىلىكتى تۇرعىنداردى جۇمىسقا ورنالاستىرۋ – ءار دەڭگەيدەگى اكىمدىكتەردىڭ باستى مىندەتىنىڭ ءبىرى. جاڭا تسەحتىڭ باسشىلارىنىڭ جاستارعا جۇمىس ورىندارىن ۇسىنىپ, بۇل باستامانى قولداعانى قۋانتادى. اتىراۋ وبلىسىندا قۇرعاق قوسپالاردى شىعاراتىن جالعىز تسەح جوباسىنىڭ قۇنى 250 ملن تەڭگەنى قۇرايدى, – دەدى قانىش مامبەتوۆ.
ۇدەمەلى يندۋستريالىق-يننوۆاتسيالىق دامۋ مەملەكەتتىك باعدارلاماسى اياسىندا جاڭا تسەحتى ىسكە قوسقان «يسي گيپس يندەر» جشس-نىڭ نەگىزىن 27 جاستاعى جاس كاسىپكەر دارحان تورەبەكوۆ قالاعان. ونىڭ ايتۋىنشا, تسەحتىڭ جىلدىق قۋاتى –
10 مىڭ توننا. قۇرعاق قوسپالار 25 كيلولىق قاعاز قاپقا سالىنادى. ساپاسى قازاقستانداعى وسىنداي ءونىم شىعاراتىن تانىمال برەندتەر مەن رەسەيلىك وندىرۋشىلەردىڭ تاۋارىنان كەم تۇسپەيدى. ال باعاسى نارىقتاعىدان 30 پايىزعا تومەن.
– بىزدە قۇرىلىستا كەڭىنەن قولدانىلاتىن قۇرعاق قوسپالاردىڭ بارلىق ءتۇرى شىعارىلادى. جالپى, بۇل ءوندىرىس 2017 جىلى ىسكە قوسىلعان ەدى. بىراق تولىق قۋاتىندا جۇمىس ىستەمەدى. جاقىندا قاجەتتى قوندىرعىنى ساتىپ الدىق. سودان كەيىن جۇمىس جانداندى. قازىر JM-كاپيتال, SDN Construction, B+ سەكىلدى ءىرى قۇرىلىس كومپانيالارىمەن ارىپتەستىك بايلانىس ورناتتىق. بولاشاقتا جۇمىسشىلار سانىن 50-گە دەيىن جەتكىزۋدى جوسپارلاپ وتىرمىز, – دەيدى د.تورەبەكوۆ.
اتىراۋ وبلىسى
