مينيسترلىك جانە ورتالىق قىزمەتكەرلەرىنە ارنالعان جوبالاردى باسقارۋ, قارجىلىق مەنەدجمەنت, الەۋمەتتىك جوبالاردى مونيتورينگىلەۋ جانە باعالاۋ, فاندرايزينگ سالاسىنداعى كۋرستار, سونداي-اق ترەنەرلەرگە ارنالعان ترەنينگتەر گرانتتىق جانە جوبالىق باسقارۋ سالاسىنداعى كادرلىق الەۋەتتى ارتتىرۋعا, ونىڭ ىشىندە قازاقستاندىق ۇكىمەتتىك ەمەس ۇيىمداردىڭ كاسىبيلىگىن ارتتىرۋعا باعىتتالعان جوبانى ىسكە اسىرۋ جونىندەگى تەحنيكالىق تاپسىرما اياسىندا وتكىزىلەتىن بولادى.
«الەۋمەتتىك جوبالاردى باسقارۋ, مونيتورينگىلەۋ جانە باعالاۋ سالاسىنداعى كۋرستار ورتالىق قىزمەتكەرلەرىنە جۇمىس پروتسەسىن جەڭىلدەتۋگە جانە اۋقىمدى دەرەكتەردى جيناۋ مەن تالداۋعا جۇمسالاتىن ۋاقىتتى قىسقارتۋعا, الەۋمەتتىك جوبالارمەن جۇمىستى, گرانتتىق قاراجاتتاردى مونيتورينگىلەۋ ادىستەرىن تۇسىنۋگە مۇمكىندىك بەرەدى. قارجىلىق ەسەپ نەگىزدەرى قىزمەتكەرلەردىڭ قارجىلىق مەنەدجمەنت جانە گرانتتىق قاراجات مونيتورينگى سالاسىنداعى داعدىلارىن جەتىلدىرەدى, گرانتتىق قاراجاتتى باسقارۋ تيىمدىلىگىن ارتتىرادى. فاندرايزينگ كۋرستارىندا ورتالىق قىزمەتكەرلەرى ۇەۇ الەۋمەتتىك جوبالارى ءۇشىن حالىقارالىق دونورلىق قاراجاتتى تارتۋ قۇرالدارى تۋرالى بىلەدى. مۇنىمەن قوسا, كۋرستار اياقتالعان سوڭ ورتالىقتىڭ 10 قىزمەتكەرى ءبىزدىڭ گرانت الۋشىلار ءۇشىن بىلىكتىلىكتى ارتتىرۋ كۋرستارىن ۇيىمداستىرۋ جۇمىستارىنا تارتىلاتىن بولادى. ءبىز ۇەۇ ءۇشىن گرانتتى ىسكە اسىرعاننان كەيىن دە ولاردىڭ تۇراقتىلىعىن قامتاماسىز ەتۋدى كوزدەپ وتىرمىز. بۇل ءوز كەزەگىندە قىزمەتكەرلەرىمىزدىڭ العان ءبىلىمى مەن داعدىلارىن تۇيىقتاماۋعا مۇمكىندىك بەرەدى», دەدى ليما دياس.
اتالعان جوبانى ازيا دامۋ بانكى جانە قر ۇكىمەتى قارجىلاندىراتىنىن اتاپ ءوتۋ قاجەت.
