ء«بىز بۇگىن وسى وپتسيانى ىسكە قوستىق. ەندى زەينەتاقى جيناعىنىڭ ءبىر بولىگىنە جەر تەلىمىن ساتىپ الۋعا بولادى. پورتالدا ارنايى باتىرما ەنگىزىلدى», دەدى يبراگيموۆا ورتالىق كوممۋنيكاتسيالار قىزمەتىندە وتكەن ونلاين بريفينگتە.
بۇعان دەيىن زەينەتاقى جيناعىنىڭ قارجىسىنا جەكەمەنشىك ءۇي سالۋعا رۇقسات بەرىلگەن. الايدا سالىمشىلاردىڭ كوبىسى ءۇي سالۋ ءۇشىن الدىمەن جەر تەلىمىن ساتىپ الۋ قاجەتتىگىن ايتقان.
«جەردى ەكى ماقساتتا عانا الۋعا بولادى. جەكە تۇرعىن ءۇي قۇرىلىسىنا نەمەسە جەكە قوسالقى شارۋاشىلىققا. ەكى جىلدىڭ ىشىندە ءۇي سالىپ, بانككە ءتيىستى قۇجاتتاردى جىبەرۋ كەرەك», دەپ ءتۇسىندىردى يبراگيموۆا.
بارلىق قۇجات enpf-otbasy.kz پورتالىنداعى جەكە كابينەت ارقىلى جىبەرىلەدى.
ءلازات يبراگيموۆانىڭ ايتۋىنشا, بار بولعانى ەكى قۇجاتتى جىبەرۋ كەرەك. بىرەۋى – ءۇيدى پايدالانۋعا بەرۋ اكتىسى, ەكىنشىسى – جىلجىمايتىن م ۇلىككە تىركەلگەن قۇقىق پەن ونىڭ تەحنيكالىق سيپاتتاماسى تۋرالى انىقتاما.
ال ەكى جىلدىڭ ىشىندە ءۇي سالىنباسا, اقشانى قايتارۋعا تۋرا كەلەدى. الايدا قۇجات راسىمدەۋ جاعىنان قيىندىقتار تۋىنداعان جاعدايدا قوسىمشا ۋاقىت بەرىلۋى مۇمكىن.
