وتباسى ۇلگىسىندەگى بالالار اۋىلىنىڭ ديرەكتورى گۇلسارا بوتاتاەۆانىڭ ايتۋىنشا, جايىق وزەنىنىڭ جاعاسىندا بوي كوتەرگەن وتباسى ۇلگىسىندەگى بالالار اۋىلىندا ەكى قاباتتى 8 تۇرعىن ءۇي بار. مۇندا 4 ءۇي مۇمكىندىگى شەكتەۋلى بالالار ءۇشىن جابدىقتالسا, قالعانى تاربيەشىلەردىڭ بالالارىنا ارنالعان. جالپى 80 ورىنعا ارنالعان بالالار اۋىلىنداعى 7 وتباسىنا 3-18 جاس ارالىعىنداعى جەتىم جانە اتا-اناسىنىڭ قامقورلىعىنسىز قالعان 54 تاربيەلەنۋشى قونىستاندى. ال, مادەني-سپورتتىق كەشەندە بي, ءماجىلىس, سپورت جانە جاتتىعۋ زالدارى قاراستىرىلعان. سونداي-اق مونشا مەن ويىن الاڭدارى ويىن-ساۋىق جانە دامىتۋ قۇرالدارىمەن جابدىقتالعان.
تاربيەلەنۋشىلەر اكىمشىلىك بلوكتاعى كوۆوركينگ-ورتالىقتا شىعارماشىلىقپەن اينالىسادى. سونداي-اق, ءوزىن-ءوزى تانۋ جانە الەۋمەتتىك بەيىمدەۋ ورتالىعى بار. زاماناۋي كونفەرەنتس-زال بالالاردىڭ ونلاين-رەجيمدە وقۋىنا مۇمكىندىك بەرمەك.
«ەگەمەندىكتىڭ ءتاڭسارى شاعىندا جاس بۋىنعا بارلىق جاعداي جاسالدى. ءبىز ءۇشىن ءار بالانىڭ قۋانىشى مەن باقىتتى ءجۇزىن كورۋدەن اسقان شاتتىق جوق. اسىرەسە, قيىن جاعدايعا تاپ بولعان بالالاردى قامقورلىققا الىپ, قوعامنان ءوز ورنىن تابۋىنا قولداۋ كورسەتۋدى جالعاستىرا بەرەمىز. وتباسى ۇلگىسىندەگى بالالار اۋىلىندا تاربيەلەنۋشىلەردىڭ الاڭسىز ءبىلىم الۋىنا, بوس ۋاقىتىن كوڭىلدى, ءماندى وتكىزۋىنە تولىق مۇمكىندىك بار», دەدى ماحامبەت دوسمۇحامبەتوۆ.
وتباسى ۇلگىسىندەگى بالالار اۋىلىنىڭ قۇرىلىسىنا «كاسپي قۇبىر كونسورتسيۋمى» اق دەمەۋشىلىك كورسەتكەن.
«اتىراۋ وڭىرىنە قولداۋ كورسەتۋ – ءبىزدىڭ كومپانيانىڭ باستى مىندەتتەرىنىڭ ءبىرى. بۇگىن ءبىز جاڭا الەۋمەتتىك ماڭىزى بار نىسانداردى پايدالانۋعا تاپسىردىق. بۇل اتا-اناسىنىڭ قامقورلىعىنسىز قالعان بالالارعا اسا قاجەت. ەندى بالالار اۋىلىنا اۆتوبۋس الىپ بەرەمىز», دەدى كومپانيانىڭ باس ديرەكتورى نيكولاي گوربان.
