«بۇگىنگى تاڭدا شىمكەنت قالاسىندا قۋاتتىلىعى 57 مىڭ توننا وكتان كوتەرەتىن قوسپا جانە قۋاتتىلىعى 81 مىڭ توننا پوليپروپيلەن شىعاراتىن زاۋىت ىسكە قوسىلدى. 2022 جىلى قۋاتتىلىعى جىلىنا 500 مىڭ توننا پوليپروپيلەن وندىرەتىن زاۋىتتى پايدالانۋعا بەرۋ جوسپارلانعان («كرى» جشس, اتىراۋ وبلىسى). بۇدان باسقا, مۇناي-گاز حيمياسى سالاسىندا بىرقاتار ءىرى جوبالار, اتاپ ايتقاندا پوليەتيلەن ءوندىرۋ بويىنشا جوبالار ىسكە اسىرىلاتىن بولادى», دەپ حابارلادى ەنەرگەتيكا ءمينيسترى ۇكىمەت وتىرىسىندا.
ۆەدومستۆو باسشىسى اتاپ وتكەندەي, پوليەتيلەن جوباسى بويىنشا بۇگىندە ستراتەگيالىق ينۆەستورمەن ىنتىماقتاستىقتىڭ بازالىق شارتتارى بويىنشا كەلىسىمدەرگە قول جەتكىزىلدى. بۋتاديەن جوباسى بويىنشا اعىمداعى جىلدىڭ مامىر ايىندا «تاتنەفت» جاق-مەن ستراتەگيالىق سەرىكتەس رەتىندە جوبانى بىرلەسىپ ىسكە اسىرۋ تۋرالى كەلىسىمگە قول قويىلدى.
«اتالعان جوبالاردى ىسكە اسىرۋ قازاقستان ەكونوميكاسىنا شامامەن 8,6 ملرد اقش دوللارى كولەمىندە ينۆەستيتسيا تارتۋعا مۇمكىندىك بەرەدى», دەپ قوستى ماعزۇم مىرزاعاليەۆ.
