ەكولوگيا مينيسترلىگى بالىق شارۋاشىلىعىن دامىتۋدىڭ 10 جىلعا ارنالعان باعدارلاماسى بەكىتىلىپ, وندا بالىق وسىرۋگە باسا نازار اۋدارىلاتىن اتاپ ءوتتى.
«ينۆەستيتسيا كولەمى 182,4 ملرد تەڭگەگە جۋىق, جىلىنا 129 مىڭ توننا بالىق ءوسىرۋ جوسپارلانعان جانە 5,3 مىڭ جۇمىس ورنىن قۇرۋمەن 32 جوبانى ىسكە اسىرۋ بويىنشا جۇمىستار جۇرگىزىلۋدە», دەدى مينيستر.
ونىڭ اتاپ وتۋىنشە, 2021 جىلى جۇمىس ىستەپ تۇرعان بالىق ءوسىرۋ شارۋاشىلىقتارى ەسەبىنەن 12,8 مىڭ توننا بالىق ءوسىرۋ كۇتىلۋدە, بۇل وتكەن جىلعا قاراعاندا 30%-عا جوعارى كورسەتكىش.
«بالىق ونىمدەرى ەكسپورتىنىڭ دەڭگەيى وسۋدە. رەسپۋبليكادا بالىق ءوسىرۋ شارۋاشىلىقتارى مەن بالىق وڭدەۋ كاسىپورىندارىن قۇرۋ ءۇشىن قولايلى جاعدايلار جاساۋعا باعىتتالعان بىرقاتار زاڭنامالىق باستامالار قابىلداندى. بيزنەس پەن بالىق شارۋاشىلىعى سۋبەكتىلەرى تاراپىنان قابىلدانىپ جاتقان شارالاردىڭ ارقاسىندا بالىق ءوسىرۋ جانە بالىق وڭدەۋ جونىندەگى جوبالاردى ىسكە اسىرۋعا مۇددەلىلىك ارتىپ كەلەدى. بالىق ءوسىرۋدىڭ كۇتىلەتىن ءوسىمى بالىق ءوسىرۋ شارۋاشىلىقتارى مەن بالىق وڭدەۋ كاسىپورىندارىن قۇرۋعا جاڭا سەرپىن بەرەدى», دەدى سەرىكقالي برەكەشەۆ.
