شەتەلدىك جۇمىس كۇشىن تارتۋعا بەرىلگەن رۇقساتتاردىڭ ىشىندە كەلەسى ساناتتار بار:
- ءبىرىنشى سانات – 643 (باسشىلار جانە ولاردىڭ ورىنباسارلارى),
- ەكىنشى سانات – 3 210 (قۇرىلىمدىق بولىمشەلەردىڭ باسشىلارى).
- شجك-ءنىڭ نەگىزگى بولىگى ءۇشىنشى (ماماندار) جانە ءتورتىنشى (بىلىكتى جۇمىسشىلار) ساناتتارعا 7 748 جانە 735 ادام جاتادى.
سونداي-اق ماۋسىمدىق جۇمىستارعا – 1 134 ادام, ال كورپوراتيۆتىك اۋىستىرۋ شەڭبەرىندە – 2 057 ادام تارتىلعان.
«قازىرگى ۋاقىتتا قازاقستاندا شجك پايدالاناتىن 1 261 جۇمىس بەرۋشى بار. ولاردا شامامەن 460 مىڭنان استام قازاقستان ازاماتتارى جۇمىس ىستەيدى, بۇل جالپى جۇمىسشىلار سانىنىڭ 97%-ىن قۇرايدى», دەيدى ۆەدومستۆو ءباسپاسوز قىزمەتى.
جالپى, ەلىمىزدە قىتايدان – 3 784 ادام, ۇلىبريتانيادان – 1 996 ادام, تۇركيادان – 1 985 ادام, ءۇندىستاننان – 1 182 ادام, وزبەكستاننان – 1 138 ادام قىزمەت ەتەدى.
ەسكە سالا كەتسەك, ىشكى ەڭبەك نارىعىن قورعاۋ ماقساتىندا, قر ەڭبەك جانە حالىقتى الەۋمەتتىك قورعاۋ مينيسترلىگى جىل سايىن ەلىمىزگە شەتەلدىك مامانداردى تارتۋعا ارنالعان كۆوتا بەلگىلەيدى. 2021 جىلى كۆوتا مولشەرى جۇمىس كۇشىنە شاققاندا 0,31%-دى نەمەسە 29,3 مىڭ بىرلىكتى قۇرادى.
