«سۋ قويمالارى ماسەلەسى جونىندە باتىس قازاقستان وبلىسىندا ەكى سۋ قويماسىن سالۋ جانە بىرەۋىن جاڭارتۋ كوزدەلگەن. سونىمەن, رەسەيدەن ەدىل سۋىن بەرۋ جونىندەگى قىزمەتتەرگە رەسپۋبليكالىق بيۋدجەتتىڭ شىعىندارىن 30 پايىزعا دەيىن تومەندەتۋ جانە 12 مىڭنان استام تۇرعىندى سۋمەن قامتاماسىز ەتۋ ءۇشىن كازتالوۆ اۋدانىنىڭ جالپاقتال اۋىلىنان جوعارى قاراوزەن وزەنىندە كولەمى 28 ملن تەكشە مەترگە دەيىن بولاتىن سۋ قويماسىن سالۋ جوباسىنىڭ تەحنيكالىق-ەكونوميكالىق نەگىزدەمەسى دايىندالدى. مەملەكەتتىك ساراپتامانىڭ وڭ قورىتىندىسى الىندى جانە ونى ىسكە اسىرۋ 2022-2024 جىلدارعا جوسپارلانىپ وتىر», دەلىنگەن رومان سكلياردىڭ جاۋابىندا.
سونىمەن قاتار, ۆيتسە-پرەمەر جوبالىق سىيىمدىلىعى 10-12 ملن تەكشە مەتردى قۇرايتىن كازتالوۆ اۋدانىنىڭ سەكسەنباي اۋىلى تۇسىنان سۋ قويماسى قۇرىلىسىنا قازىرگى ۋاقىتتا تەحنيكالىق-ەكونوميكالىق نەگىزدەمە دايىندالىپ جاتقانىن جەتكىزدى.
«بۇدان باسقا, كيروۆ سۋ قويماسىن رەكونسترۋكتسيالاۋ ءۇشىن جوبالاۋ-سمەتالىق قۇجاتتاما دايىندالدى. ونىڭ قۇنى - 2,6 ملرد تەڭگە. جوبانى ىسكە اسىرۋ 2022-2024 جىلدارعا جوسپارلانىپ وتىر. جايىق وزەنىنەن سۋ تۇتىنۋ مولشەرىن ازايتۋ ماقساتىندا سۋلاندىرۋ جۇيەسىن رەكونسترۋكتسيالاۋ, قايتالاما سۋ پايدالانۋ, ەگىن شارۋاشىلىعىندا تامشىلاتىپ, جاڭبىرلاتىپ سۋارۋ ادىستەرىن قولدانۋ جانە باسقا دا تەتىكتەر قاراستىرىلعان», دەدى ول.
