اتالعان جارىسقا ەلىمىزدىڭ 11 وبلىسىنان كەلگەن 25 كوماندا قاتىستى. ءتۋرنيردىڭ اشىلۋ سالتاناتىندا تالعار اۋداندىق سپورت باسقارماسىنىڭ باسشىسى امانجول نۇعمانوۆ, اباي اتىنداعى قازۇپۋ-دىڭ جانىنداعى ونەر جانە مادەنيەت ينستيتۋتىنىڭ ديرەكتورى توققوجا مۇقاجان ۇلى, گرەك-ريم كۇرەسىنىڭ حاس شەبەرى نۇرتان جۇمابەكوۆ, №2 بالالار سپورت مەكتەبىنىڭ ديرەكتورى ايگۇل ورالبەكقىزى, اۋىر اتلەتيكادان الەم چەمپيونى جاسۇلان قىدىرباەۆ جانە ەركىننىڭ اتا-اناسى مۇقاش سايداقوۆ پەن گۇلسارا مۇقانوۆا قۇتتىقتاۋ سوزدەرىن ايتىپ, بالعىن بالۋاندارعا ساتتىلىك تىلەدى.
ەكى كۇنگە سوزىلعان جارىس بارىسىندا بالۋاندار 10 سالماق دارەجەسى بويىنشا ءتۇرلى-ءتۇستى مەدالداردى ساراپقا سالدى. جارىس قورىتىندىسى بويىنشا جالپىكوماندالىق ەسەپتە شىمكەنت قالاسىنىڭ وكىلدەرى ءبىرىنشى ورىن السا, ەكىنشى ورىنعا قىزىلوردا وبلىسىنىڭ سپورتشىلارى تابان تىرەدى. ال ۇزدىك ۇشتىكتى الماتى قالاسىنىڭ ورەندەرى قورىتىندىلادى. جارىس جەڭىمپازدارى ارنايى ديپلومدار, كۋبوكتار جانە باعالى سىيلىقتارمەن ماراپاتتالدى.
جارىستىڭ باس تورەشىسى ەرلان يمانعاليەۆتىڭ ايتۋىنشا, وسىنداي جارىستاردىڭ ءجيى ۇيىمداستىرىلىپ تۇرعانى ابزال. بىرىنشىدەن, بۇل – حالىقارالىق ارەنادا ەل مەرەيىن اسقاقتاتقان سپورتشىعا دەگەن قۇرمەت. ەكىنشىدەن, ءتۇرلى باسەكەلەرگە ءجيى قاتىسقان جاس بالۋانداردىڭ شەبەرلىگى ارتىپ, ولار پسيحولوگيالىق تۇرعىدان دا شىڭدالا تۇسەدى.
