اتالعان تۋرنير قازاقستان رەسپۋبليكاسى تاۋەلسىزدىگىنىڭ 30 جىلدىعىنا ارنالدى.
ءتۋرنيردىڭ اشىلۋ سالتاناتىندا مادەنيەت جانە سپورت مينيسترلىگى سپورت جانە دەنە شىنىقتىرۋ ىستەرى كوميتەتى توراعاسىنىڭ ورىنباسارى بەكبولات بايجانوۆ, قازاقستاننىڭ كاسىپقوي فۋتبول ليگاسىنىڭ سپورت ديرەكتورى پاۆەل دەميان جانە «استانا» فۋتبول كلۋبىنىڭ باس ديرەكتورى تاستانبەك ەسەنتاەۆ ءسوز سويلەپ, جاستارعا تىلەگىن ارنادى. ءتۋرنيردىڭ قۇرمەتتى قوناعى رەتىندە نەگىزگى قۇرام ويىنشىلارى يسلامبەك قۋات, رامازان كارىموۆ جانە ءمادي جاقىپباەۆ قاتىستى.
رەسمي بولىمنەن كەيىن 11 كوماندا ويىنعا كىرىستى. تۋرينيرگە قاتىسۋشىلار اراسىندا قازاق فۋتبولىندا ەسىمى كوپكە ءمالىم قايرات نۇرداۋلەتوۆ پەن مۇرات تىلەشوۆ بولسا, «12 ويىنشى» مەن «Old Boys» فان-كلۋب جانكۇيەرلەرى دە ءبىر توپقا بىرىگىپ, ءتۋرنيردىڭ كوركىن قىزدىردى. ودان بولەك, تريبۋنادا جينالعان قاۋىم اراسىندا «استانا» فۋتبول كلۋبىنىڭ كادەسىيلارى مەن ءتۇرلى سىيلىقتار ويناتىلدى.
ءتۋرنيردىڭ جابىلۋ سالتاناتىندا «استانا» فۋتبول ورتالىعىنىڭ 2003 جىلعى تۇلەكتەرى ماراپاتتالدى. ەسكە سالساق, 2003-2004 جىلعى جاسوسپىرىمدەر كومانداسى بيىل ەل چەمپيونى اتانىپ, كەلەر جىلى ۋەفا جاسوسپىرىمدەر ليگاسىنا جولداما العان بولاتىن.
سەرىكتەستەر مەن دەمەۋشىلەر ۇسىنعان سەرتيفيكاتتار مەن ەستەلىك سىيلىقتار تۋرنيرگە قاتىسقان جاندارعا تابىستالدى.
تۋرنيرگە قاتىسقان ءار جانعا «استانا» فۋتبول كلۋبى ءبىر جەڭنەن قول, ءبىر جاعادان باس شىعارعان, ءبىر وتباسىداي جۇمىلىپ, يگى شاراعا اتسالىسقانى ءۇشىن العىس جولداپ, بولاشاقتا وسىنداي ءىس-شارالاردىڭ كلۋب تاريحىندا جالعاسىن تاباتىنىنا سەنىم بىلدىرەدى.
