«دەنساۋلىق ساقتاۋ ۇلتتىڭ باسەكەگە قابىلەتىن ارتتىراتىن ماڭىزدى سالانىڭ ءبىرى رەتىندە جاڭا دەڭگەيگە كوتەرىلدى. تاۋەلسىزدىك كەزەڭىندە 1800-دەن استام اۋرۋحانا مەن ەمحانا سالىندى. ەلوردامىزدا مەديتسينا كلاستەرى قۇرىلدى. قوماقتى ينۆەستيتسيانىڭ ارقاسىندا فارماتسەۆتيكا سالاسىندا ماڭىزدى قادام جاسالدى. حالىقتىڭ ورتاشا ءومىر ءسۇرۋ ۇزاقتىعى 71,4 جاسقا جەتتى», دەپ اتاپ ءوتتى قر پرەزيدەنتى.
قاسىم-جومارت توقاەۆ كوروناۆيرۋس ىندەتىنە قارسى وتاندىق ۆاكتسينا جاساپ شىعارىلعانىنا دا توقتالدى.
«بۇل جەتىستىك ۇلتتىق مەديتسينا عىلىمىنىڭ الەۋەتى زور ەكەنىن كورسەتتى. مەديتسينا قىزمەتكەرلەرىنىڭ الەۋمەتتىك جاعدايىن جاقسارتۋعا, قوعامداعى مارتەبەسىن كوتەرۋگە باسا ءمان بەرىلىپ جاتىر. ولاردىڭ جالاقىسى جانە قوسىمشا تولەماقىسى كوبەيتىلۋدە», دەدى مەملەكەت باسشىسى.
