ءىس-شارانىڭ تۆيت-ترانسلياتسياسىن اقوردانىڭ @AkordaPress رەسمي اككاۋنتىنان كورۋگە بولادى. ءىس-شارانىڭ جازباسى رەسپۋبليكالىق ارنالاردا ساعات 21:30-دا كورسەتىلەدى.
بيىل قازاقستان حالقى تاۋەلسىزدىك كۇنىن 30-شى رەت اتاپ وتۋدە. ەسكە سالا كەتسەك, 1991 جىلدىڭ 16 جەلتوقسانىندا قازاقستان تاۋەلسىز مەملەكەت رەتىندە ءوزىنىڭ جاڭا تاريحىن جازا باستادى. سول كۇنى قازاقستان رەسپۋبليكاسىنىڭ تۇڭعىش پرەزيدەنتى - ەلباسى نۇرسۇلتان ءابىش ۇلى نازارباەۆ «قازاقستان رەسپۋبليكاسىنىڭ مەملەكەتتىك تاۋەلسىزدىگى تۋرالى» كونستيتۋتسيالىق زاڭعا قول قويدى.
تاۋەلسىزدىك كۇنى قازاقستان رەسپۋبليكاسىنىڭ تۇڭعىش پرەزيدەنتى نۇرسۇلتان نازارباەۆ 1991 جىلعى 16 جەلتوقساندا قول قويعان «قازاقستان رەسپۋبليكاسىنىڭ مەملەكەتتىك تاۋەلسىزدىگى تۋرالى», 2001 جىلعى 13 جەلتوقساندا قول قويىلعان «قازاقستان رەسپۋبليكاسىنداعى مەرەكەلەر تۋرالى», 2008 جىلعى 25 ماۋسىمداعى جانە 2009 جىلعى 22 ساۋىردەگى وزگەرىستەرمەن ەنگىزىلگەن قازاقستان رەسپۋبليكاسىنىڭ زاڭدارىنا سايكەس اتاپ وتىلەدى.
