قازاقستاننىڭ جۇمىرتقا وندىرۋشىلەرى قاۋىمداستىعى قۇس فابريكالارى ۋاكىلەتتى مەملەكەتتىك ورگاندارمەن بىرلەسىپ الەۋمەتتىك ماڭىزى بار ازىق-ت ۇلىك تاۋارلارى باعاسىنىڭ وسۋىنە جول بەرمەۋ ماقساتىندا بىرقاتار كەزدەسۋلەر وتكىزىپ, ونىڭ بارىسىندا وتاندىق تاۋىق جۇمىرتقاسىنىڭ باعاسىن تومەندەتۋ تۋرالى كەلىسىمگە قول جەتكىزىلگەنىن حابارلايدى.
2021 جىلدىڭ قاراشا ايىندا قۇس فابريكالارىندا س1 ساناتتى جۇمىرتقانىڭ كوتەرمە باعاسى ون ءۇشىن 370 تەڭگەگە جەتتى. قازىرگى ۋاقىتتا س1 ساناتىنداعى جۇمىرتقانىڭ كوتەرمە باعاسى ونىنا 320 تەڭگەگە (بولشەك ورامدى قوسپاعاندا) تومەندەتىلدى. قۇس فابريكالارى جۇمىرتقانى تومەندەتىلگەن باعامەن ساتۋدى جەلتوقساننىڭ ءبىرىنشى ونكۇندىگىندە باستادى جانە قازىرگى ۋاقىتتا بۇل باعا قازاقستاننىڭ بارلىق وڭىرلەرىندە قولدانىستا.
ازىقتىق كومپونەنتتەرگە (بيداي, ارپا, كۇنباعىس كۇنجارا جانە وسىمدىك مايى) باعانىڭ 50-دەن 100%-عا دەيىن وسۋىنە جانە جۇمىرتقانىڭ وندىرىستىك وزىندىك قۇنىنىڭ وسۋىنە قاراماستان, قۇس فابريكالارى قۇس باسىن ءوسىرۋ ەسەبىنەن وتكىزۋ باعاسىن تومەندەتۋ بويىنشا شارالار قابىلدايدى.
قازىرگى ۋاقىتتا اۋىل شارۋاشىلىعى مينيسترلىگى ءونىم قۇنىن ارزانداتۋ جانە ەل حالقىنىڭ ىشكى قاجەتتىلىگىن قامتاماسىز ەتۋ ماقساتىندا وتاندىق قۇس فابريكالارىن قولداۋ بويىنشا بىرقاتار شارالار ازىرلەۋدە.
