اۋدان اكىمدىگىندە حابارلاعانداي, 10 جەلتوقساندا وڭىردە ازاماتتاردىڭ پاتريوتتىق سەزىمىن ارتتىرۋ ماقساتىندا «تەرەزەدەگى تۋ» اكتسياسى وتكەن.
«بۇل اكتسياعا بارلىق مەملەكەتتىك قۇرىلىمدارمەن قاتار پانفيلوۆ اۋىلدىق وكرۋگىنىڭ اكىمدىگى دە قاتىستى. اۋىلدىق اكىمدىك ءبولىمىنىڭ مامانى وسى ۇيدە تۇراتىن وتباسىلاردان ولاردىڭ بالكوندارىنا جالاۋلار ءىلۋ ءۇشىن الدىن الا رۇقسات الدى. تۇرعىندار قۋانا كەلىستى.
وكىنىشكە وراي, كەلىسىلگەن ۋاقىتتا ۇيدە ءبىر عانا وتباسى بولدى. ناتيجەسىندە مامان تەك ءبىر تۋدى ىلە الدى. بىراق پاتەر يەلەرىنىڭ رۇقساتى بولعاندىقتان, مامان قالعان جالاۋلاردى فوتوشوپ باعدارلاماسى ارقىلى سالۋعا شەشىم قابىلدادى. بىراق كەيىن بۇل سۋرەت سول كۇنى جويىلدى», دەپ ءتۇسىندىردى تالعار اۋدانى اكىمدىگىنىڭ ءباسپاسوز قىزمەتى.
الايدا, سۋرەت بلوگەرلەردىڭ قولىنا ءتيىپ, الەۋمەتتىك جەلىدە تارالا باستادى.
ء«بولىم مامانىنىڭ ارەكەتىندە زاڭعا قايشى ەشتەڭە بولعان جوق. ونىڭ ۇستىنە, قىزمەتكەردىڭ مەملەكەتتىك رامىزدەردى تەرىسكە شىعارۋعا نيەتى بولعان جوق. ول ءوزىنىڭ قاتەلىگىن مويىنداپ, سۋرەتتى جويدى. بىراق بلوگەرلەردىڭ جاريالانىمى الەۋمەتتىك جەلىلەردە تەز تارادى», دەپ تولىقتىردى اكىمدىك.
ەسكە سالا كەتسەك, پانفيلوۆ اۋىلدىق وكرۋگىنىڭ اكىمدىگى كوپ قاباتتى ءۇيدىڭ بالكونىنا قازاقستاننىڭ تۋىن جەلبىرەتكەن بولاتىن. بۇل تۋرالى اكىمدىكتىڭ Instagram-داعى پاراقشاسىندا جاريالاندى.
