مونۋمەنتتىڭ بيىكتىگى – 16, ۇزىندىعى مەن ەنى – 6,5 مەتر. ونىڭ مۇناراسىندا قازاق حالقىنىڭ كيەلى شاڭىراعى, ونىڭ جانىندا ۇشىپ جۇرگەن قۇستار بەينەلەنگەن.
«مونۋمەنت – تاريحي-تانىمدىق ماڭىزى زور نىسان. مۇنارانىڭ بيىگىنە كيەلى شاڭىراعىمىزدى ورناتۋدىڭ استارىندا تاۋەلسىزدىگىمىز ماڭگىلىك بولسىن دەگەن يدەيا بار. تاۋەلسىزدىگىمىز باياندى بولسا, ەلىمىز دە ەڭسەلى بولادى» دەدى مونۋمەنتتىڭ اشىلۋىنا قاتىسقان وبلىس اكىمىنىڭ ورىنباسارى ناريمان تاۋشوۆ.
مۇنارانىڭ ارتقى جاعىندا بيىكتىگى – 5, ۇزىندىعى – 7, ەنى – 1,10 مەترلىك 3 كولونناعا رەلەفت-مۇسىندەر ورناتىلعان. وندا تۇڭعىش پرەزيدەنت – ەلباسى نۇرسۇلتان نازارباەۆتىڭ انت بەرۋ ءساتى مەن ەلىمىزدىڭ 30 جىلداعى جەتىستىكتەرى كورىنىس تاپقان.
