ء«بىز بۇل پاندەميانى توقتاتۋىمىز كەرەك. ءبىز ينفەكتسيانى تومەن دەڭگەيگە دەيىن ازايتىپ, اۋىر اۋرۋلاردان اۋلاق بولۋىمىز كەرەك, ۆاكتسينالاردىڭ قولجەتىمدىلىگى مەن ۋاقتىلى ەمدەۋدى قامتاماسىز ەتۋ قاجەت. 2022 جىل پاندەميانىڭ جويىلعان جىلى بولۋى كەرەك», دەدى ماريا ۆان كەركحوۆ.
ول پاندەميانىڭ قاشان اياقتالاتىنىن بولجاي المايتىندىعىن قوسا ايتتى.
«مەنىڭ ويىمشا, بۇل ءبىزدىڭ قولىمىزدا. بىراق ءبىز سوڭىنا جەتۋ ءۇشىن جەتكىلىكتى جۇمىس ىستەپ جاتقان جوقپىز», دەدى ساراپشى.
سونداي-اق ول ماسكالاردى قولدانۋ, قاشىقتان جۇمىس ىستەۋ, باسقا ادامدارمەن بايلانىستى شەكتەۋ, جينالىستاردان اۋلاق بولۋ جانە اۋرۋحانالاردى دايىنداۋ قاجەتتىلىگىن ەسكە سالدى.
