«حامەنوۆانىڭ ورنىن ەشكىم العان جوق. ونىڭ قىزمەتى اكىمنىڭ ورىنباسارلارى اراسىندا بولىنگەن. تەرگەۋ ءجۇرىپ جاتىر, تەرگەۋدەن كەيىن ءبارى بەلگىلى بولادى. مەن تۇسىنىكتەمە بەرە المايمىن, قازىر تەرگەۋ ءجۇرىپ جاتىر», دەدى دوسمۇحامبەتوۆ ۇكىمەت وتىرىسىنان كەيىن جۋرناليستەر سۇراعىنا جاۋاپ بەرىپ.
حامەنوۆانىڭ ۇستالعانىن ەستىگەندە «ارينە, رەنجىدىم» دەدى وبلىس اكىمى.
ول قاماۋعا الىنعاننان كەيىن حامەنوۆامەن بايلانىسپاعانىن جانە قۇقىق قورعاۋ ورگاندارى ونى جاۋاپ الۋعا شاقىرماعانىن ءتۇسىندىردى.
اكىم جاقىن ارادا قىزمەتتەن كەتەتىنى تۋرالى قاۋەسەتتەرگە دە جاۋاپ بەردى.
«مەندە ونداي اقپارات جوق, ەستىگەن جوقپىن. بۇل ماسەلەنى رەتتەيتىن زاڭ بار. ەگەر ورىنباسارلارىمنىڭ سىبايلاس جەمقورلىق جاساعانى انىقتالسا, وندا زاڭعا سايكەس مەن وتستاۆكاعا كەتۋىم كەرەك. ال ونى مەملەكەت باسشىسى قابىلدايدى», دەدى دوسمۇحامبەتوۆ.
ونىڭ ايتۋىنشا, سىبايلاس جەمقورلىق داۋىنان كەيىن اتىراۋدا اباي ەسكەرتكىشىن ورناتۋ جۇمىستارى كەيىنگە شەگەرىلۋى مۇمكىن.
«ەسكەرتكىش تۋرالى شەشىم, قاتەلەسپەسەم, 2016 جىلى قابىلدانعان. پاندەميا كەزىندە جۇمىستى جۇرگىزە المادىق, ەسكەرتكىشتى بيىل ورناتۋ جوسپاردا بار ەدى. ەندى ۋاقىتى سوزىلۋى مۇمكىن نەمەسە سوزىلمايدى. تەرگەۋ اسەر ەتەدى مە, ايتا المايمىن», دەپ جاۋاپ بەردى اكىم.
