جاڭا كىتاپ قر پرەمەر-ءمينيسترى اسقار ۇزاقپاي ۇلى ءماميننىڭ العىسوزىمەن جارىق كوردى. ال ونىڭ ىشىندەگى تالدامالىق ماقالانى يندۋستريا جانە ينفراقۇرىلىمدىق دامۋ ءمينيسترى بەيبىت باكىر ۇلى اتامقۇلوۆ جازعان.
كىتاپتا «تاۋەلسىزدىك شەجىرەسى» ايدارىمەن قازاقستان رەسپۋبليكاسىنىڭ تۇڭعىش پرەزيدەنتى – ەلباسى نۇرسۇلتان ءابىش ۇلى نازارباەۆ پەن قازاقستان رەسپۋبليكاسىنىڭ پرەزيدەنتى قاسىم-جومارت توقاەۆتىڭ تاۋەلسىز قازاقستاننىڭ دامۋىنداعى تاريحي ءرولىن سيپاتتايتىن تاريحي فوتوسۋرەتتەر بەرىلگەن.
بۇدان بولەك وردالى وتىز جىل ىشىندەگى وبلىستاردىڭ جەتكەن جەتىستىكتەرى تۋرالى ايماق جانە قالا اكىمدەرى جازعان ماقالالار شوعىرلانعان.
سونىمەن بىرگە كىتاپتا ءار ءتۇرلى سالالار مەن ايماقتاردى كورسەتەتىن قازاقستاننىڭ جەتەكشى كاسىپورىندارى مەن برەندتەرى تۋرالى اقپارات جاريالانعان.
«ساۋتس-ويل» جشس مۇناي-گاز كومپانياسى مەرەيتويلىق باسىلىمنىڭ باس دەمەۋشىسى بولدى. كىتاپقا «قازمۇنايگاز» ۇك» اق, «وسكەمەن تيتان-ماگني كومبيناتى» اق, «قاراچاگاناك پەتروليۋم وپەرەيتينگ ب.ۆ.», «سنپس-اقتوبەمۇنايگاز» اق, «ارسەلورميتتال تەمىرتاۋ» اق, «Kazakhmys Holding» (قازاقمىس حولدينگى) جشس دەمەۋشىلىك جاسادى. كىتاپتىڭ اۆتورى جانە قۇراستىرۋشىسى مۇحامەتالينا راۋشان قايىربەكقىزى.
مەرەيتوي قارساڭىندا ورىس جانە اعىلشىن تىلدەرىندە جازىلعان كىتاپ قازاقستان, ەاەو ەلدەرى, تمد جانە الىس شەتەلدەگى وقىرماندارعا ارنالعان.
كىتاپتىڭ نەگىزگى مىندەتى – شەتەل وقىرماندارىنا قازاقستاندى ەكونوميكاسى, يندۋسترياسى دامىعان جانە بيزنەستىڭ بارلىق سالالارىندا ۇلكەن ءوسۋ الەۋەتى بار ەل رەتىندە تانىستىرۋ.
