فوتو: اشىق دەرەككوز
قىلمىس 2007 جىلدىڭ قاراشا ايىندا اتباسار قالاسىندا بولعان. بەلگىسىز ادام شارۋا قوجالىعى يەسىنىڭ گاراجدا تۇرعان كولىگىنەن 300 مىڭ تەڭگە ۇرلاپ كەتكەن. ول كەزدە بۇل قوماقتى قاراجات سانالعان.
جابىرلەنۋشى پوليتسياعا جۇگىنگەننەن كەيىن جەدەل-ىزدەستىرۋ شارالارى جۇرگىزىلگەنىمەن, كۇدىكتىنى سول كەزدە انىقتاۋ مۇمكىن بولماعان. الايدا كريميناليستەر وقيعا ورنىن مۇقيات تەكسەرىپ, ساۋساق ىزدەرىن الىپ, ارنايى بازاعا ساقتاپ قويعان.
كوپ جىل بويى قىلمىس اشىلماي كەلگەن. تەك بيىل كوكتەمدە اتباسارلىق جەدەل ۋاكىلدەر كۇدىكتىنىڭ ىزىنە قايتا تۇسكەن. جەرگىلىكتى تۇرعىن ەسىرتكى قىلمىسىنا قاتىستى تەرگەۋ بارىسىندا پوليتسيانىڭ نازارىنا ىلىككەن.
تەرگەۋ كەزىندە ەر ادامنىڭ ساۋساق ىزدەرى الىنىپ, كريميناليستيكالىق ەسەپپەن سالىستىرىلعان. ناتيجەسىندە ولار 19 جىل بۇرىنعى ۇرلىق ورنىنان تابىلعان ىزدەرمەن تولىق سايكەس كەلگەن.
قازىر كۇدىكتىنىڭ اتالعان قىلمىسقا قاتىسى بارى انىقتالىپ, ەر ادام كىناسىن مويىنداعان. پوليتسيا وكىلدەرى ەسكى قىلمىستاردى اشۋ جانە جازانىڭ بۇلتارتپاۋ قاعيداتىن قامتاماسىز ەتۋ ەرەكشە باقىلاۋدا ەكەنىن اتاپ ءوتتى.
ەسكە سالايىق, قاراعاندى وبلىسىندا ۇرلىق,بوپسالاۋ,الاياقتىقپەن اينالىسقان قىلمىستىق توپ ۇستالدى.
فرانتسۋزدىق رەجيسسەر رومەن گاۆراس «عاسىر ۇرلىعى» دەپ اتالعان لۋۆرداعى اتىشۋلى ۇرلىق تۋرالى فيلم تۇسىرەدى.
