كوللاجدى جاساعان – الماس ماناپ, «EQ»
ءىىم ۇيىمداسقان قىلمىسقا قارسى كۇرەس دەپارتامەنتى باسقارماسى باسشىسىنىڭ ورىنباسارى شىنار كوشەرباەۆانىڭ ايتۋىنشا, جەتىسۋ وبلىسىندا ەكى تۇرعىندى زاڭسىز بوستاندىعىنان ايىرىپ, ءبىر تسەحتا ءبىر اي بويى كۇشتەپ جۇمىس ىستەتكەن دەرەك انىقتالعان.
اباي وبلىسىندا ادام ساۋداسىمەن اينالىسقان كوپبالالى انا سوتتالدى
ادام ساۋداسىنىڭ قۇربانىنا كوبىنە الەۋمەتتىك تۇرعىدان وسال توپتار جاتادى. ءىىم وكىلدەرىنىڭ ناقتىلاپ ايتۋىنشا, تۇراقتى باسپاناسى جوق ادامدار مەن قيىن جاعدايعا تاپ بولعان ازاماتتار قاۋىپ-قاتەرگە ءجيى ۇرىنادى.
سونىمەن قاتار قازاقستان ازاماتتارىنىڭ شەتەلدەردە دە ەڭبەك قۇلدىعىنا ءتۇسىپ جاتقانى بەلگىلى بولدى. سىرتقى ىستەر مينيسترلىگىنىڭ ەرەكشە تاپسىرمالار جونىندەگى ەلشىسى ستانيسلاۆ ۆاسيلەنكونىڭ سوزىنشە, 2025 جىلى ەلشىلىك جانە كونسۋلدىق قىزمەتكەرلەر شەتەلدە ەڭبەك قۇلدىعىنا نەمەسە «الاياقتىق ورتالىقتارعا» تاپ بولعان 40-تان استام ازاماتتىڭ ەلگە ورالۋىنا كومەكتەسكەن.
ولاردىڭ باسىم بولىگى وڭتۇستىك-شىعىس ازياداعى «التىن ءۇشبۇرىش» ايماعى ەلدەرى مەن ارابيا تۇبەگىندەگى مەملەكەتتەردە قيىن جاعدايعا تاپ بولعان.
بۇعان دەيىن دە اتىراۋ وبلىسىندا ادام ساۋداسىمەن اينالىسقان 21 دەرەك انىقتالعان.
