وتىرىس بارىسىندا «بايقوڭىر» كەشەنىن بىرلەسىپ پايدالانۋ پەرسپەكتيۆالارى مەن ودان ءارى دامىتۋعا قاتىستى قازاقستان-رەسەي ىنتىماقتاستىعىنىڭ وزەكتى باعىتتارى تالقىلاندى, سونداي-اق بايقوڭىر قالاسىنىڭ الەۋمەتتىك سالاسى مەن قىزمەت كورسەتەتىن ينفراقۇرىلىمى وبەكتىلەرىن قۇرۋ تۋرالى ۋاعدالاستى.
«ۇكىمەتارالىق كوميسسيا مۇشەلەرى «بايتەرەك» عارىش زىمىران كەشەنىن قۇرۋ جوباسىنا ەرەكشە نازار اۋداردى, ءىس-شارالار تىزبەسى مەن ىسكە اسىرۋ مەرزىمدەرى ايقىندالدى. سونداي-اق, كەشەن مۇلكىن ۇتىمدى پايدالانۋ, ينفراقۇرىلىمدى, الەۋمەتتىك سالانى جاڭعىرتۋ مىندەتتەرى قارالدى», دەپ جازادى قازاقستان ۇكىمەتىنىڭ ءباسپاسوز قىزمەتى.
وتىرىسقا قاتىسۋشىلار ءوڭىردىڭ جانە عارىش ايلاعىنىڭ ەكولوگيالىق قاۋىپسىزدىگىن ارتتىرۋدىڭ ماڭىزدىلىعىنا, كەشەننىڭ پايدالانىلمايتىن وبەكتىلەرىن جالعا بەرۋدەن شىعارۋ, ەسەپتەن شىعارۋ جانە كادەگە جاراتۋ ماسەلەلەرىنە جەكە توقتالدى.
كۇن ءتارتىبىنىڭ تارماقتارى بويىنشا ساراپشىلار ءوزارا قولايلى شەشىمدەر تاپتى, بۇل ۇاك وتىرىسىنىڭ حاتتاماسىندا كورسەتىلگەن.
«بايتەرەك» عزك - «بايقوڭىر» عارىش ايلاعى بازاسىندا جاڭا ۇشىرۋ الاڭىن قۇرۋ جونىندەگى بىرلەسكەن جوبا. قازاقستان سالىپ جاتقان «بايتەرەكتە» 2023 جىلعا قاراي رەسەي ازىرلەپ جاتقان «سويۋز-5» ءتيپتى زىمىرانداردى ۇشىرۋدى باستاۋ جوسپارلانىپ وتىر.
كەزەكتە-تاسىمالداعىش زىمىرانداردان بولىنەتىن بولىكتەردىڭ قۇلاۋ اۋدانى رەتىندە قازاقستان رەسپۋبليكاسىنىڭ اۋماعىنداعى جەر ۋچاسكەسىن بەرۋ جانە پايدالانۋ شارتتارى تۋرالى كەلىسىمدى راتيفيكاتسيالاۋ.
بايقوڭىر عارىش ايلاعىندا بار بولعانى 3 ۇشىرۋ كەشەنى قالدى, 25 جىل بۇرىن ولاردىڭ سانى 18-گە جەتتى. جاڭا جوبا عارىش ايلاعىن جانداندىرۋى ءتيىس.
