ءوز كەزەگىندە قازاقستاننىڭ تۇڭعىش پرەزيدەنتى سپورتشىنىڭ مۇمكىندىگى شەكتەۋلى ەكەنىنە قاراماستان ەۆەرەستى باعىندىرۋعا بەل بۋعان تاباندىلىعى مەن وجەتتىگىن اتاپ ءوتتى.
– كەزىندە مەن دە اباي شىڭىن باعىندىردىم. بۇل قانشالىقتى قيىن ەكەنىن جاقسى بىلەمىن. سىزگە جارايسىز دەمەكپىن. مۇنداي دۇنيەلەر ادامدارعا شابىت بەرىپ, قاناتتاندىرا تۇسەرى ءسوزسىز, – دەدى نۇرسۇلتان نازارباەۆ.
انىقتاما ءۇشىن:
2021 جىلعى ءساۋىر ايىندا ماريا اۋەزوۆا الپينيستەر كومانداسىمەن بىرگە ەۆەرەست بازالىق لاگەرىنە (5364 مەتر) جانە كالا-پاتحار تاۋىنا (5640 مەتر) شىقتى. ەلباسى ەۆەرەستى ەكى اياعىنىڭ جوقتىعىنا قاراماستان باعىندىرعان ءالپينيستىڭ ەرلىگىنە ءتانتى بولىپ, قازاقستان حالقى اسسامبلەياسىنىڭ 29-سەسسياسىندا وعان پروتەز الۋعا كومەكتەسۋگە ۋادە بەرگەن بولاتىن.
نۇرسۇلتان نازارباەۆ قورىنىڭ قولداۋىمەن م.اۋەزوۆاعا بيونيكالىق پروتەز الىندى جانە ول مامانداردىڭ باقىلاۋىمەن بەيىمدەلۋ كۋرسىنان ءوتتى.
