ء«ححى عاسىردا ءبىلىمىن دامىتا الماعان ەلدىڭ تىعىرىققا تىرەلەرى انىق. ءبىز بولاشاقتىڭ جوعارى تەحنولوگيالىق جانە عىلىمي اۋقىمدى وندىرىستەرى ءۇشىن كادرلار قورىن جاساۋىمىز قاجەت. وسى زامانعى ءبىلىم بەرۋ جۇيەسىنسىز ءارى الىستى بارلاپ, كەڭ اۋقىمدا ويلاي بىلەتىن زاماناۋي باسقارۋشىلارىنسىز ءبىز يننوۆاتسيالىق ەكونوميكا قۇرا المايمىز. دەمەك, بارلىق دەڭگەيدەگى ءبىلىم بەرۋدى دامىتۋعا باعىتتالعان ءتيىستى شارالار قولدانۋىمىز شارت». تۇڭعىش پرەزيدەنت - ەلباسى ن.ءا.نازارباەۆتىڭ وسى تاپسىرماسىن باسشىلىققا العان ەلىمىزدىڭ ءبىلىم ساياساتى الەمدىك ارەنادان ءوز ورنىن ناقتىلاۋدا. ويتكەنى ءبىلىمدى ەل عانا الەمدىك وزگەرىستەر كوشىنە ىلەسە الاتىنى ءمالىم. تاۋەلسىزدىك جىلدارىنداعى وتاندىق ءبىلىم بەرۋدە جيناقتالعان تاجىريبەلەردى تالداپ, سارالاپ قاراساق, ەلىمىزدەگى ءبىلىم بەرۋ جۇيەسى الەمدىك ستاندارتقا جاقىنداپ قالعانىنا ناقتى دەرەكتەر كوز جەتكىزەدى.
ەلباسىنىڭ يننوۆاتسيالىق وي-پىكىرلەرى مەن ۇستانىمدارى باسشىلىققا الىنىپ, ەلىمىزدىڭ ءبىلىم بەرۋ جۇيەسىن جاڭاشا قۇرىپ, جاڭا باعىتتا دامىتىپ, جەتىلدىرۋدە جاسالعان العاشقى قادامدار, وزگەرىستەر مەن جاڭالىقتار, رەفورمالار, جاڭا تەحنولوگيالاردى ەنگىزۋدىڭ ناتيجەلەرى بۇگىن ءوز جەمىسىن بەرۋدە. ءسويتىپ, وسى يننوۆاتسيالار ەلىمىزدىڭ تاۋەلسىز دامۋ كەزەڭىندەگى تاريحي شىندىعىنا اينالۋدا, سوندىقتان قازىرگى قازاقستاننىڭ الەمدىك قاۋىمداستىققا ەنۋ ۇدەرىسىن زەردەلەۋدە ءبىلىم جۇيەسىنە ەنگىزىلگەن زاماناۋي وزگەرىستەر مەن جاڭاشا بەتبۇرىستاردىڭ ماڭىزدىلىعىن ەسكەرمەۋگە بولمايدى. ولار قازاقستاننىڭ جاڭا زامانعا بارىنشا بەيىمدەلىپ, ءوز ساياساتى مەن ءوز ەكونوميكاسىن تۇزەپ, ءسوز بوستاندىعى مەن وي ەركىندىگىنە نەگىزدەلگەن دەموكراتيانى جەتىلدىرىپ, حالىقتىڭ ءال-اۋقاتىن جاقسارتۋدا جاسالعان ماڭىزدى قادام, ىرگەلى ءىس-شارالاردىڭ ءبىرى بولىپ قالا بەرەتىنى ءسوزسىز.
تاۋەلسىزدىگىمىزدىڭ العاشقى جىلدارىندا ء«بىلىم بەرۋ تۋرالى» (1993ج), ء«بىلىم تۋرالى» (1999ج), «عىلىم تۋرالى» (1999 ج) جاڭا زاڭدار مەن سول زاڭدارعا بايلانىستى ۇكىمەتتىڭ قاۋلى-قارارلارى جانە ەلىمىزدەگى ءبىلىم سالاسىن دامىتۋعا باعىتتالعان 6 مەملەكەتتىك باعدارلاما قابىلداندى. سول جىلدارى وسى زاڭدار مەن قاۋلىلاردى جۇزەگە اسىرۋ ءۇشىن بۇكىل ەلىمىز بويىنشا ۇلكەن ايتۋلى ءىس-شارالار اتقارىلدى: سارالاۋ-ساراپتاۋ جۇمىستارى جۇرگىزىلدى, رەسپۋبليكالىق عىلىمي-پراكتيكالىق كونفەرەنتسيالار مەن عىلىمي ءىس-شارالار وتكىزىلدى. 1993 جىلى ەلىمىزدىڭ تانىمال عالىم-ۇستازدارىنىڭ دايىنداپ, ۇسىنۋىمەن ء«بىلىم بەرۋدى مەملەكەتتىك قولداۋدىڭ ۇلتتىق باعدارلاماسى» دۇنيەگە كەلدى. 1996 جىلى ءبىلىم بەرۋ جۇيەسىن رەفورمالاۋدىڭ مەملەكەتتىك باعدارلاماسىنىڭ جوباسى دايىندالدى. 2000 جىلى 26 تامىزدا «مەملەكەتتىك مىندەتتى ءبىلىم ستاندارتى» قابىلدانىپ, سودان كوپ كەشىكتىرىلمەي, 2000 جىلى 30 قىركۇيەكتە قازاقستان رەسپۋبليكاسىنىڭ ء«بىلىم بەرۋ باعدارلاماسى» بەكىتىلدى.
قازاقستاننىڭ ءبىلىم ساياساتى مەن ءبىلىم جۇيەسىنە ەلەۋلى بەتبۇرىس 1997 جىلى قابىلدانعان «قازاقستان-2030» ۇزاق مەرزىمدى ستراتەگيالىق باعدارلاماسى ومىرگە كەلگەن كەزدەن باستالدى. وسى باعدارلامانى جۇزەگە اسىرۋعا كىرىسكەن قازاقستان قوعامى ەكونوميكا مەن الەۋمەتتىك سالالاردىڭ بارلىق باعىتىن جاڭاشا قۇرۋ ءۇشىن پارمەندى ءىس-ارەكەتتەرگە كوشىپ, قازاقستاندىق دامۋدىڭ جاڭا ساتىسىنا بەت الدى. ەلىمىزدىڭ ءبىلىم ساياساتى مەن ونىڭ جۇيەسى دە وسى باعدارلاما اياسىندا اتقارىلعان اۋقىمدى دا ماڭىزدى جوبالاردىڭ بەل ورتاسىندا بولدى. ايتا بەرسەك, تاۋەلسىزدىكتىڭ 30 جىلىندا ەلىمىزدىڭ ءبىلىم جۇيەسى جان-جاقتى قانات جايعانىن بايقار ەدىك.
مەملەكەت قامقورلىعى ارقىلى وسى جىلدارى ەلىمىزدە ونداعان جوعارى وقۋ ورىندارى, كوللەدجدەر, ليتسەيلەر, گيمنازيالار اشىلدى. ل.گۋميلەۆ اتىنداعى ەۋرازيا ۇلتتىق ۋنيۆەرسيتەتى, ياساۋي اتىنداعى حالىقارالىق قازاق-تۇرىك ۋنيۆەرسيتەتى سياقتى بەدەلدى جوعارى وقۋ ورىندارى ومىرگە كەلدى. الەمنىڭ ەڭ تاڭداۋلى وقۋ ورىندارىمەن تەڭەسە الاتىن نازارباەۆ ۋنيۆەرسيتەتى قازاقستاندىق جوعارى وقۋ ورىندارىنىڭ برەندىنە اينالىپ وتىر. كەڭەستىك داۋىردە بۇكىل ەلىمىز بويىنشا جوعارى وقۋ ورىندارىنىڭ سانى 50-گە جەتەر جەتپەس بولسا, تاۋەلسىزدىك جىلدارىندا ول 3 ەسە ارتتى. قازاقستاننىڭ ءار ايماعىندا وڭىرلىك ۋنيۆەرسيتەتتەردىڭ قۇرىلۋى ەل جاستارىن ءوز وڭىرلەرىندە وقىتۋعا مۇمكىندىك بەردى. ەلباسىنىڭ تىكەلەي باستاماسىمەن ومىرگە كەلگەن «بولاشاق» باعدارلاماسىمەن سوڭعى 20 جىلدا 15 مىڭنان استام جاستارىمىز شەتەلدەردىڭ ەڭ ۇزدىك ۋنيۆەرسيتەتتەرىندە ءبىلىم الىپ, بۇگىندە ەلىمىزدىڭ حالىق شارۋاشىلىعىنىڭ ءار الۋان
سالالارىندا قىزمەت ىستەپ ءجۇر.
مەن ءوزىم ۇزاق جىل الماتى قالالىق ءبىلىم باسقارماسىن باسقارعان تۇلعا رەتىندە تاۋەلسىزدىك جىلدارىندا جالپىعا بىردەي ورتا ءبىلىم سالاسىندا قول جەتكەن جەتىستىكتەرگە توقتالۋدى ءجون كوردىم. كەڭەس وكىمەتى كەزىندە قازاق مەكتەپتەرى جاپپاي جابىلىپ, ۇلت مەكتەبىنە دەگەن زارۋلىك اسقىنىپ تۇرعان كەز ەدى. قالا حالقى جىلما-جىل ءوسىپ وتىرعانىنا قاراماي, مەكتەپ تاپشىلىعى دا ايقىن سەزىلەتىن, 3-4 اۋىسىمدا وقىتاتىن مەكتەپتەردە ءبىلىم ساپاسى ويداعىداي بولمادى. بۇل تەك قالاداعى جاعداي عانا ەمەس, بۇكىل قازاقستانعا ورتاق ماسەلە بولاتىن. مەملەكەت باسشىسى, ەڭ الدىمەن, جاڭا مەكتەپتەر سالۋ, ورتا ءبىلىم بەرەتىن ۇيىمداردىڭ ماتەريالدىق-تەحنيكالىق بازاسىن جاقسارتۋ, 3 اۋىسىمدا وقىتاتىن مەكتەپتەر قاتارىن ازايتۋ, جاس ۇرپاققا ساپالى ءبىلىم, سانالى تاربيە بەرۋ, وقۋ-تاربيە ۇدەرىسىنە الەمدىك يننوۆاتسيالاردى ەنگىزۋ, ءبىلىم ۇيالارىن كومپيۋتەرلەرمەن, اقپاراتتىق تەحنيكالارمەن جەتكىلىكتى جاساقتاۋ, تاۋەلسىز ەلگە لايىقتى جاڭا وقۋلىقتار ەنگىزۋ, ۇستازداردىڭ بىلىكتىلىگىن ارتتىرۋ, جاڭا ءبىلىم باعدارلامالارىن ازىرلەۋ ماسەلەلەرىن ءبىرىنشى كەزەككە قويعانى ءالى ەسىمىزدە. ەلىمىزدە جاڭا مەكتەپتەر سالۋ, ولاردى زاماناۋي اقپاراتتىق تەحنيكالارمەن جابدىقتاۋ ءىسى جەدەل جۇزەگە اسىرىلدى. وتكەن 30 جىلدا ەلىمىزدە 1800-دەن استام مەكتەپ, 2 مىڭنان اسا مەكتەپكە دەيىنگى بالالار مەكەمەلەرى, بالاباقشالار سالىندى. دارىندى بالالارعا ارنالعان نازارباەۆ زياتكەرلىك مەكتەپتەرى جۇيەسى قۇرىلىپ, ەلىمىزدە 20-دان اسا زياتكەرلىك مەكتەپتەر سالىنىپ, پايدالانۋعا بەرىلدى.
تاۋەلسىزدىك جىلدارىندا الماتى قالاسىنىڭ ءبىلىم جۇيەسى دە تۇبەگەيلى جاڭاردى. وسى جىلدار ىشىندە شاھاردا 35 جاڭا مەكتەپ, بۇرىنعى مەكتەپتەرگە قوسىمشا 38 قوسالقى عيماراتتار, 62 جاڭا بالاباقشا سالىنىپ, ءبارى دە جاڭا جيhازدارمەن, كومپيۋتەرلەرمەن, باسقا دا اقپاراتتىق تەحنيكالارمەن جابدىقتالدى. جاڭادان 38 636 وقۋشى ورنى جاساقتالدى. قازاق مەكتەپتەرىنىڭ سانى 66-عا جەتتى. قازىر 110 مىڭنان استام وقۋشى قازاق مەكتەپتەرىندە ءبىلىم الۋدا. تاۋەلسىزدىك جىلدارىندا ءبىلىم بەرۋدىڭ جاڭا مودەلى قۇرىلدى. ورتا ءبىلىم جۇيەسى جەكە مەكتەپتەرمەن, ليتسەيلەرمەن, گيمنازيالارمەن, دارىندى بالالارعا ارنالعان مامانداندىرىلعان مەكتەپتەرمەن تولىقتى. بارلىق سىنىپ 100 پايىز جاڭارتىلعان ءبىلىم مازمۇنىنا كوشتى. الماتىدا ەكى باعىت بويىنشا نازارباەۆ زياتكەرلىك مەكتەپتەرى جۇمىس ىستەۋدە. جاڭارتىلعان ءبىلىم بەرۋ مازمۇنى بويىنشا وقىتاتىن بۇل مەكتەپتەردىڭ ءىس-تاجىريبەسى بۇكىل ءبىلىم جۇيەسىنە تاراتىلۋدا.
تاۋەلسىزدىك جىلدارىنىنىڭ تاعى ءبىر تابىسى: ءبىلىم ساپاسىن باعالاۋدىڭ ۇلتتىق جۇيەسىن قالىپتاستىرۋى دەر ەدىم. سونىمەن بىرگە ۇبت, ۆوۋد, ليتسەنزيالاۋ سياقتى ىشكى جانە سىرتقى (حالىقارالىق) باعالاۋ قۇرالدارى دا كەڭىنەن قولدانىلۋدا. قالا مەكتەپتەرىنىڭ وقۋشىلارى PISA, TIMSS, PIRLS سياقتى حالىقارالىق سالىستىرمالى زەتتەۋلەرگە دە بەلسەنە قاتىسىپ, قازاقستان وقۋشىلارىنىڭ حالىقارالىق دەڭگەيدە ءبىلىم جەتىستىكتەرىن پاش ەتۋدە. 2017 جىلدان باستاپ وقۋشىلاردىڭ ءوز ىقىلاستارىنا قاراي ينفورماتيكا, فيزيكا, حيميا جانە بيولوگيا سياقتى جاراتىلىستانۋ پاندەرىن اعىلشىن تىلىندە وقىتۋ قولعا الىندى. مەكتەپ بىتىرۋشىلەردىڭ تەستتى اعىلشىن تىلىندە تاپسىرۋىنا مۇمكىندىك بەرىلىپ وتىر.
2002 جىلدان باستاپ وتاندىق ارنايى ءبىلىم بەرۋ جۇيەسىندە وڭالتۋ ورتالىقتارى, پسيحولوگيالىق-پەداگوگيكالىق تۇزەتۋ كابينەتتەرى سياقتى جاڭا قۇرىلىمدار پايدا بولدى. الماتى قالاسىندا دا مۇنداي ارنايى جۇيەلەر كوپتەپ اشىلدى. مۇعالىمدەردىڭ بىلىكتىلىگىن ارتتىرۋعا ايىرىقشا كوڭىل بولىنۋدە. ورتا ءبىلىم جۇيەسىندە پەداگوگ-ماگيسترلەر سانى ارتا ءتۇسۋى دە ءبىلىم ساپاسىنا اسەرىن تيگىزۋدە دەسەك, بۇل ءدال تاۋەلسىزدىك جىلدارى جەتىستىكتەرىنىڭ ءبىرى دەۋگە بولادى.
الماتى قالالىق ءبىلىم باسقارماسى جانىندا ءبىلىم ۇيىمدارى ءۇشىن ونلاين كونفەرەنتسيالار ۇيىمداستىراتىن رەسۋرستىق ورتالىق اشىلدى. مەكتەپتەردىڭ ءپان كابينەتتەرى ارنايى جابدىقتارمەن تولىق جابدىقتالدى. بۇلاردا پراكتيكالىق ساباقتار مەن زەرتحانالىق جۇمىستار اتقارۋعا تولىق مۇمكىندىك بار.
قالالىق ءبىلىم باسقارماسى «الماتى قالاسىنىڭ ۇزدىك ءبىلىم بەرۋ ۇيىمى» جانە «قالانىڭ ۇزدىك مۇعالىمى» كونكۋرستارىن ءجيى وتكىزىپ تۇرادى. ونىڭ جەڭىمپازدارى پاتەر, اۆتوكولىك جانە اقشالاي سىيلىقتارمەن ماراپاتتالۋدا. بۇگىندە قالا مەكتەپتەرىنىڭ ءبارى بەينەباقىلاۋ قۇرىلعىلارىمەن قامتىلعان, ينتەرنەت جەلىسى تۇراقتى جۇمىس ىستەيدى.
وتكەن عاسىردىڭ 90-جىلدارى مەكتەپكە دەيىنگى بالالار مەكەمەلەرىنىڭ كوپشىلىگى جابىلىپ نەمەسە جەكەشەلەندىرىلىپ كەتكەنى بەلگىلى. ال 2000 جىلدارعا قاراي, ەل ەكونوميكاسىنىڭ جاڭا تىنىسى اشىلۋىنا وراي, جاڭا بالاباقشالار سالۋ, ەسكىلەرىن قالپىنا كەلتىرۋ, جەكەشەلەنىپ كەتكەندەرىن قايتارۋ ناتيجەسىندە بالالار مەكەمەلەرى كوبەيە ءتۇستى. جەكە بالاباقشالار مەن شاعىن ورتالىقتاردىڭ كوپتەپ اشىلۋى مەكتەپكە دەيىنگى بالالار ۇيىمدارىنا دەگەن قاجەتتىلىكتەردى قاناعاتتاندىرۋعا كوپ مۇمكىندىك بەردى. سوڭعى 20 جىلدىڭ كولەمىندە جەكە بالاباقشالارىڭ سانى ەسەلەي ارتتى. سونىمەن بىرگە قالادا ەرەكشە قاجەتتىلىگى بار بالالارعا ينكليۋزيۆتى ءبىلىم بەرۋ, ولاردى وڭالتۋ جانە تۇزەتۋ مەكەمەلەرىمەن قامتۋ ماسەلەسىنە ايرىقشا كوڭىل ءبولىنىپ وتىر.
مەكتەپكە دەيىنگى تاربيەگە مەملەكەتتىك تاپسىرىس بەرۋ ءىسى زاڭداستىرىلىپ, مەكتەپكە دەيىنگى ۇيىمداردى ليتسەنزيالاۋ ايتارلىقتاي جەڭىلدەتىلدى. «بالبوبەك» (1996 ج.), «قاينار» (2007ج.), «العاشقى قادام», «زەرەك بالا», ء«بىز مەكتەپكە بارامىز» سياقتى وتاندىق باعدارلامالار جەمىستى جۇمىس ىستەۋدە. 2016 جىلى ەنگىزىلگەن مەكتەپكە دەيىنگى تاربيە جانە ءبىلىم بەرۋ تيپتىك باعدارلاماسى بۇلدىرشىندەردىڭ بازالىق داعدىلارىن قالىپتاستىرۋعا قىزمەت ەتۋدە. جاڭارتىلعان مازمۇن شەڭبەرىندە 2017 جىلدان بەرى بالالاردىڭ قابىلەتى مەن داعدىسىن باعالاۋدىڭ ينديكاتورلىق جۇيەسى ەنگىزىلدى. ال 2018 جىلى مەكتەپكە دەيىن ءبىلىم مەن تاربيە بەرۋدىڭ مەملەكەتتىك ستاندارتى قابىلدانىپ, 2019 جىلى بالالاردى ەرتە دامىتۋ باعدارلاماسى ەنگىزىلدى. مۇنىڭ ءوزى ەرتە جاستاعى (0-3 جاس) بالدىرعانداردىڭ الەۋمەتتىك داعدىسىن قالىپتاستىرۋعا, وزدىگىنشە ءبىلىم الۋىن قامتاماسىز ەتۋگە, پەداگوگتەر مەن اتا-انالاردىڭ قۇزىرەتتىلىگىن ارتتىرۋعا باعىتتالعان مەملەكەتتىك قامقورلىق دەپ ءبىلۋىمىز كەرەك.
سونىمەن بىرگە مەكتەپكە دەيىنگى تاربيە مەن ءبىلىم بەرۋدى دامىتۋدىڭ تولىققاندى مودەلى جاسالىپ, بالالاردى مەكتەپكە دەيىنگى ۇيىمدارمەن قامتۋ اياسى كەڭەيە ءتۇستى. مەكتەپكە دەيىنگى ۇيىمداردا بالالارعا ورىن ءبولۋدىڭ اشىقتىعى مەن ۇتقىرلىعىن قامتاماسىز ەتۋ ءۇشىن قالادا جانە باسقا دا ايماقتاردا بالاباقشالارعا جولداما ءبىلىم باسقارمالارى مەن بولىمدەرىنىڭ قاتىسۋىنسىز اۆتوماتتى تۇردە بەرىلەتىن بولدى. بالاباقشانى اتا-انالاردىڭ ءوز بەتتەرىنشە تاڭداۋ ەركىندىگى بەرىلۋى بۇل مەكەمەلەردىڭ جاۋاپكەرشىلىگىن ارتتىرا تۇسۋدە.
ارقاشان حالقىمىز بالالارىن وقىتاتىن ۇستازعا ۇلكەن قۇرمەتپەن قاراعان. شاكىرتتىڭ ۇستازدان العان ءتالىم-تاربيەسى ونىڭ بولاشاعىنا جول سىلتەپ وتىرعان. سوندىقتان بولار «ۇستازى مىقتىنىڭ – ۇستانىمى مىقتى» دەيدى قازاق دانالىعى.
وسى ورايدا, «پەداگوگ مارتەبەسى تۋرالى» زاڭنىڭ قابىلدانۋى ەلىمىزدىڭ مۇعالىمدەر قاۋىمىنا جاڭاشا جۇمىس ىستەۋگە كەڭ جول اشاتىنى ءسوزسىز. اتالعان زاڭدا «جالپى ەرەجەلەر», «پەداگوگتىڭ مارتەبەسى جانە ونىڭ پەداگوگيكالىق قىزمەتى», «پەداگوگتىڭ قۇقىقتارى», «پەداگوگتىڭ مىندەتتەرى مەن جاۋاپكەرشىلىگى» سياقتى نەگىزگى بولىمدەر بار. وسىنداعى ەكىنشى بولىمدە پەداگوگتىڭ ستاتۋسى, ەتيكاسى, پەداگوگتىڭ ار-وجدانىن قورعاۋ, مۇعالىمگە ءوز كاسىپتىك قىزمەتىن جۇزەگە اسىرۋعا جاعداي جاساۋ تۋرالى ارنايى باپتار ەنگىزىلىپ وتىر. مۇنىڭ ىشىندە پەداگوگتى كاسىپتىك مىندەتتەرمەن بايلانىستى ەمەس جۇمىس تۇرلەرىنە تارتۋعا, ودان ءبىلىم بەرۋ سالاسىنداعى زاڭنامادا كوزدەلمەگەن ەسەپتىلىكتى, نە اقپاراتتى تالاپ ەتۋگە, زاڭداردا كوزدەلمەگەن تەكسەرۋلەردى جۇرگىزۋگە, مەملەكەتتىك ورتا ءبىلىم بەرۋ ۇيىمدارىنىڭ پەداگوگتەرىن مەملەكەتتىك ەمەس ۇيىمداردىڭ ءىس-شارالارىنا تارتۋعا تىيىم سالىندى. ەندى مۇعالىمدەر ءوز مىندەتىنە سايكەس تازا پەداگوگيكالىق جۇمىستارمەن اينالىسادى.
جالپى, «پەداگوگ مارتەبەسى تۋرالى» زاڭنىڭ قابىلدانۋى ءبىلىم سالاسى قىزمەتكەرلەرىنىڭ قۇقىقتارىن, الەۋمەتتىك قورعالۋىن قامتاماسىز ەتۋمەن بىرگە, ەلىمىزدىڭ بۇكىل ۇستازدار قاۋىمىنىڭ مارتەبەسىن كوتەرۋگە, ۇستاز دەگەن ارداقتى اتتىڭ ابىرويىن ارتتىرۋعا قىزمەت ەتەتىنى داۋسىز. وتكەن جىلدارى رەسپۋبليكاعا بەلگىلى مۇعالىم اياگۇل ميرازوۆا ەلىمىزدىڭ دامۋىنا ەرەكشە ەڭبەك سىڭىرگەن قايراتكەرلەر اراسىندا العاشقىلاردىڭ ءبىرى بولىپ قازاقستاننىڭ ەڭبەك ەرى اتاعىنا يە بولدى. بۇل ەلىمىزدەگى ۇستازعا دەگەن ۇلى قۇرمەت دەپ تۇسىنەمىز. ءبىز مۇنى مىڭداعان مۇعالىمدەر قاۋىمىنىڭ تاۋەلسىز ەلدىڭ تىنىس بەرەتىن تىرەگىنە, ىرىس بەرەتىن جۇرەگىنە اينالعانى دەپ بىلەمىز.
مەملەكەت باسشىسى ق.توقاەۆ ءوزىنىڭ جىل سايىنعى قازاقستان حالقىنا جولداۋلارىندا ەلىمىزدىڭ ءبىلىم جۇيەسىن ودان ءارى دامىتۋ تۋرالى ءوز وي-تاجىريبەسىمەن ءبولىسىپ, ۇكىمەتكە ءتيىستى تاپسىرمالار بەرىپ كەلەدى.
ارينە, مەملەكەت قامقورلىعىنداعى ءبىلىم جۇيەسى بۇدان بىلاي دا زور تابىستارعا جەتە بەرەتىنى ءسوزسىز. سەبەبى ەل ءبىلىمدى بولسا عانا تاۋەلسىزدىك تۇعىرلى بولارى حاق.
راحات شيماشەۆا
VII سايلانعان الماتى قالاسى ءماسليحاتىنىڭ دەپۋتاتى
