«قازاقستان رەسپۋبليكاسى ەۋرازيالىق ەكونوميكالىق وداق ورگاندارىنا توراعالىعى قۇرمەتتى ميسسياسىن اياقتايدى. توراعالىققا وتكەن كەزدە مەن بىرلەسكەن جۇمىستىڭ بەس باعىتىن جاساقتاعان ەدىم. بۇل – ونەركاسىپتىك كووپەراتسيانى كۇشەيتۋ, ءوزارا ساۋداداعى كەدەرگىلەردى جويۋ, كولىك-لوگيستيكالىق ينفراقۇرىلىمدى دامىتۋ, تسيفرلاندىرۋ, سونىمەن قاتار ءۇشىنشى ەلدەرمەن ساۋدا-ەكونوميكالىق قارىم-قاتىناستى دامىتۋ», دەدى قر پرەزيدەنتى جوعارى ەۋرازيالىق ەكونوميكالىق كەڭەستىڭ وتىرىسىندا.
مەملەكەت باسشىسى بۇل ءبىر كۇندىك جۇمىس ەمەس ەكەندىگىن باسا ايتتى.
«دەگەنمەن, بۇگىندە ولاردىڭ كەيبىرىنىڭ ءساتتى جۇزەگە اسىرىلعاندىعىن اتاپ وتۋگە بولادى. بيىل 2025 جىلعا دەيىنگى ونەركاسىپتىك ىنتىماقتاستىقتىڭ نەگىزگى باعىتتارى بەكىتىلدى. بۇل - ورتاشا مەرزىمدى كەزەڭدە ونەركاسىپتىك كووپەراتسيانىڭ دامۋ ۆەتورىن ايقىندايتىن نەگىز قۇراۋشى قۇجات. 2021-2023 جىلدارعا ارنالعان كولىك ساياساتىنىڭ نەگىزگى باعىتتارىن جۇزەگە اسىرۋ جونىندەگى ءىس-شارالار جوسپارى بەكىتىلدى», دەپ اتاپ ءوتتى قاسىم-جومارت توقاەۆ.
