مەملەكەت باسشىسى تسيفرلىق ونىمدەر مەن ەلەكترون قىزمەتتەرگە تەڭدەسسىز سۇرانىس ءۇشىنشى جىل قاتارىنان جالعاسىپ كەلە جاتقانىن اتاپ ءوتتى. بۇل رەتتە, ونىڭ ايتۋىنشا, ەكسكليۋزيۆ جانە يننوۆاتسيالىق-تەحنولوگيالىق شەشىمدەر ءۇشىن عانا ەمەس, سونداي-اق قاراپايىم تسيفرلىق شىعىس ماتەريالدارى ءۇشىن دە كۇرەس ءجۇرىپ جاتىر.
«بۇگىندە ماشينا جاساۋدىڭ الەمدىك نارىعىندا ميكروچيپتەر مەن كومپيۋتەرلىك ەلەمەنتتەردىڭ بولماۋىنا بايلانىستى جۇيەلى ىركىلىستەر بايقالادى. ءبىزدىڭ ەلدەرىمىزدىڭ كولىك جاساۋ سالالارى دا ەرەكشەلىك ەمەس.
ۇكىمەتتەرىمىزگە عىلىمي-زەرتتەۋ ينستيتۋتتارىنىڭ كومەگىمەن كولىك جاساۋ سالاسى ءۇشىن ميكروچيپتەر مەن كومپيۋتەرلىك ەلەمەنتتەر ءوندىرۋ جونىندەگى بىرلەسكەن كووپەراتسيالىق جوبالاردى ىسكە اسىرۋ ماسەلەسىن پىسىقتاۋدى تاپسىرۋ ۇسىنىلادى», دەدى توقاەۆ جوعارى ەۋرازيالىق ەكونوميكالىق كەڭەستىڭ وتىرىسىندا.
ەسكە سالا كەتەيىك, قازاقستاننىڭ ۇيىمعا توراعالىعى وسى جيىنمەن اياقتالادى.
