«تەڭىزشەۆرويل» جشس باس ديرەكتورى كەۆين لايوننىڭ مالىمەتىنشە, تەڭىز كەن ورنىنان «قارا التىن» ءوندىرۋ 1993 جىلى باستالعان.
«تەڭىز كەن ورنىندا 1993 جىلى شامامەن 1 ميلليون توننا مۇناي ءوندىرىلدى. ال, 2020 جىلدىڭ سوڭىنا تامان ءونىم ءوندىرۋ كولەمى 26,5 ميلليون تونناعا دەيىن ءوستى. بۇل قازاقستاندا وندىرىلگەن مۇناي كولەمىنىڭ شامامەن 35 پايىزىن قۇرايدى. كومپانيانىڭ بۇل تابىسى قازاقستان رەسپۋبليكاسىنىڭ ۇكىمەتى مەن اكتسيونەرلەردىڭ, جەرگىلىكتى اتقارۋشى ورگاندار مەن قىزمەتكەرلەرىمىزدىڭ قولداۋىنسىز مۇمكىن بولماس ەدى. ەندى مىنە, قازاقستانمەن سەرىكتەس رەتىندە بىرلەسكەن جۇمىسىمىزدىڭ ناتيجەسىندە تەڭىز كەنىشىنەن وندىرىلگەن مۇناي كولەمى 500 ميلليون تونناعا جەتتى» دەپ ءمالىم ەتتى كەۆين لايون.
