كاسىپقوي بوكس • 09 جەلتوقسان، 2021

چەمپيون اتاناتىن كۇن جاقىن – جانىبەك ءالىمحان ۇلى

61 رەت كورسەتىلدى

شارشى الاڭدا 11 جەكپە-جەك وتكىزىپ، بارلىعىندا قارسىلاستارىنان باسىم تۇسكەن ورتا سالماق دارەجەسىندەگى قازاقستاندىق كاسىپقوي بوكسشى جانىبەك ءالىمحان ۇلى ينستاگرامداعى اككاۋنتىندا جاڭا جىلعا ارنالعان جوسپارىمەن ءبولىستى، دەپ حابارلايدى Egemen.kz.

«اللاعا شۇكىر، 2021 جىل ءبىزدىڭ كوماندامىز ءۇشىن تابىستى اياقتالدى. ءبىر ەمەس ەكى بىردەي بۇرىنعى الەم چەمپيونىن جەڭدىك. WBO تۇجىرىمى بويىنشا الەم چەمپيونىنا مىندەتتى قارسىلاس اتاندىق. ءبىز ءۇشىن بۇل – تاريح. 2022 جىلى الەم چەمپيونى اتانىپ، الەمگە ءوزىمىزدىڭ كىم ەكەنىمىزدى كورسەتەتىن بولامىز. جاڭا جەڭىستەرگە بىرگە جەتكەنشە»، دەپ جازدى قازاق وعلانى.

ەستەرىڭىزگە سالا كەتەيىك، جانىبەك ءالىمحان ۇلى جاقىندا WBO تۇجىرىمى بويىنشا الەم چەمپيونى دەمەتريۋس اندرادەگە مىندەتتى قارسىلاس اتانعان بولاتىن.

سوڭعى جاڭالىقتار

ۇقساس جاڭالىقتار