قازاقستان رەسپۋبليكاسى ۇكىمەتىنىڭ قاۋلىسى №176

 2014 جىلعى 4 ناۋرىز,  استانا, ۇكىمەت ءۇيى رەسەي فەدەراتسياسىنان مۇناي جانە مۇناي ونىمدەرىن جەتكىزۋدىڭ كەيبىر ماسەلەلەرى تۋرالى 2010 جىلعى 9 جەلتوقسانداعى قازاقستان رەسپۋب­ليكاسىنىڭ ۇكىمەتى مەن رەسەي فەدەراتسياسىنىڭ ۇكىمەتى اراسىنداعى قازاقستان رەسپۋبليكاسىنا مۇناي جانە مۇناي ونىمدەرىن جەتكىزۋ سالاسىنداعى ساۋدا-ەكونوميكالىق ىنتىماقتاستىق تۋرالى كەلىسىمگە سايكەس قازاقستان رەسپۋبليكاسىنىڭ ۇكىمەتى قاۋلى ەتەدى: 1. «قازمۇنايگاز – قايتا وڭدەۋ جانە ماركەتينگ» اكتسيونەرلىك قوعامى رەسەي فەدەراتسياسىنا مۇنايدى قارسى جەتكىزۋ جونىندەگى وپەراتور-كومپانيا بولىپ بەلگىلەنسىن. 2. قازاقستان رەسپۋبليكاسى مۇناي جانە گاز مينيسترلىگى: 1) قازاقستان رەسپۋبليكاسى كولىك جانە كوممۋنيكاتسيا مينيسترلىگىمەن بىرلەسىپ مۇناي ونىمدەرىنىڭ 2014 جىلعا ارنالعان ينديكاتيۆتىك تەڭگەرىمى نەگىزىندە مۇناي ونىمدەرىنىڭ كولەمىن, جەتكىزۋ مەرزىم­دەرىن بەلگىلەي وتىرىپ, ولاردى جەتكىزۋ كەستە­لەرىن بەكىتسىن; 2) «قازمۇنايگاز» ۇلتتىق كومپانياسى» اكتسيو­نەرلىك قوعامىمەن (كەلىسىم بويىنشا) بىرلەسىپ, مۇناي ونىمدەرىن جەتكىزۋ كەستەلەرىنە سايكەس مۇناي ونىمدەرىنىڭ 2014 جىلعا ارنالعان ينديكاتيۆتىك تەڭگەرىمىندە كوزدەلگەن كولەمدە مۇناي ونىمدەرىن رەسەي فەدەراتسياسىنان قازاقستان رەسپۋبليكاسىنا اكەلۋ بويىنشا قاجەتتى شارالاردى قابىلداسىن; 3) قازاقستان رەسپۋبليكاسى كولىك جانە كوممۋنيكاتسيا مينيسترلىگىمەن, قازاقستان رەسپۋبليكاسى ستاتيستيكا اگەنتتىگىمەن جانە «قازاقستان تەمىر جولى» ۇلتتىق كومپانياسى» اكتسيونەرلىك قوعامىمەن (كەلىسىم بويىنشا) بىرلەسىپ, مۇناي ونىمدەرىن جەتكىزۋ كەستەلەرىنە سايكەس مۇناي ونىمدەرىن جەتكىزۋگە باقىلاۋ مەن مونيتورينگ جاساۋدى قامتاماسىز ەتسىن; 4) وسى قاۋلىدان تۋىندايتىن وزگە دە شارالاردى قابىلداسىن. 3. وسى قاۋلى العاشقى رەسمي جاريالانعان كۇنىنەن باستاپ قول­دانىسقا ەنگىزىلەدى جانە 2015 جىلعى 1 قاڭتارعا دەيىن قولدانىلادى. قازاقستان رەسپۋبليكاسىنىڭ پرەمەر-ءمينيسترى س.احمەتوۆ.