قازنەتتەگى حابارلامالاردىڭ بىرىندە Pfizer/BioNTech شىعارعان ۆاكتسينانىڭ باعاسى 50 000 تەڭگەنى قۇرايدى دەپ جازىلعان. حابارلامانىڭ اۆتورى بۇل اقپاراتتى №4 الماتى ەمحاناسىنان بىلگەنىن اتاپ ءوتتى.
ەمحانانىڭ وزىندە بۇنداي اقپاراتتى ەشكىم تاراتپاعانىن, ياعني ول جالعان ەكەنى ايتىلدى.
«بۇگىنگى كۇنى №4 قالالىق ەمحانادا Pfizer كومپانياسىنىڭ ۆاكتسيناسىن اقىلى تۇردە الۋعا نيەت بىلدىرۋشىلەر الدىن الا جازىلۋدا. ۆاكتسينانىڭ قۇنى ءالى بەلگىسىز. ەمحانا دارىگەرلەرىنە ۆاكتسينا قۇنىنا قاتىستى نۇسقاۋ بەرىلگەن جوق», دەپ حابارلادى مەكەمە.
Stopfake.kz ناقتىلاعانداي, 50 000 تەڭگە تۇراتىن ۆاكتسينا تۋرالى حابارلاما فەيك بولىپ شىقتى. بۇگىنگى كۇنى ۆاكتسينانىڭ باعاسى ءالى جاريالانعان جوق.
ايتا كەتسەك, 12 جاستان 18 جاسقا دەيىنگى بالالار, جۇكتى جانە بالا ەمىزەتىن ايەلدەر Pfizer/BioNTech پرەپاراتىمەن ۆاكتسيناتسيانى تەگىن الا الادى.
