ايماقتار • 08 جەلتوقسان، 2021

«تۇركىستان-شىمكەنت-تاشكەنت» باعىتىندا حالىقارالىق تەمىرجول قۇرىلىسى باستالادى

33 رەت كورسەتىلدى

2022 جىلى «تۇركىستان-شىمكەنت-تاشكەنت» باعىتىندا جوعارى جىلدامدىقتى پويىزعا ارنالعان حالىقارالىق تەمىرجولدىڭ قۇرىلىسى باستالادى، دەپ حابارلايدى Egemen.kz.

تۇركىستان وبلىسىنىڭ اكىمى ومىرزاق شوكەەۆ اتالعان جوبانىڭ ماڭىزى زور ەكەنىنە توقتالدى. سونداي-اق، ءوڭىر باسشىسى تەمىرجولدىڭ سالىنۋى تۇركىستان ءوڭىرىنىڭ عانا ەمەس، ەلىمىزدىڭ دامۋىنا وڭ سەرپىن بەرەتىنىن جەتكىزدى.

«اپتا باسىندا نۇر-سۇلتاندا قازاقستان رەسپۋبليكاسىنىڭ پرەزيدەنتى قاسىم-جومارت توقاەۆ پەن وزبەكستان رەسپۋبليكاسىنىڭ پرەزيدەنتى شاۆكات ميرزيوەۆ كەزدەسىپ، مەملەكەتارالىق كەلىسىمدەرگە قول قويدى. سونىڭ ىشىندە تۇركىستان وبلىسىن دامىتۋ ءۇشىن اسا ماڭىزدى «تۇركىستان-شىمكەنت-تاشكەنت» تەمىرجولى سالىناتىنى حابارلاندى. ەكى پرەزيدەنت جوبانى ماقۇلداپ، ۇكىمەت باسشىلارىنا اتالعان جوبانى جۇزەگە اسىرۋ جونىندە تاپسىرما بەردى. ول ماگيسترالدىڭ جوبالىق-سمەتالىق قۇجاتى دايىن»، دەدى وبلىس اكىمى.

«قازاقستان تەمىر جولى» كومپانياسى باسشىلىعىنىڭ حابارلاۋىنشا، قۇرىلىس 2022 جىلدىڭ باسىندا باستالادى. تەمىرجول تۇركىستاننان باستالىپ، شىمكەنت قالاسىمەن قاتار ورداباسى، قازىعۇرت، سارىاعاش اۋداندارىن قامتيدى. جوعارى جىلدامدىقتى تەمىرجول ماگيسترالىنىڭ قۇرىلىسى اياقتالعان سوڭ تۋريزم جانە وزگە دە سالالاردا مىڭداعان جۇمىس ورنى قۇرىلىپ، ىشكى جانە سىرتقى تۋريزم دە قاتار دامىماق. سونداي-اق وسى جوبا ارقىلى باۋىرلاس ەكى ەلدىڭ اراسىنداعى بايلانىس نىعايىپ، بارىس-كەلىس كوبەيەدى.

«تاعى ءبىر قۋانىشتى جاڭالىق، نۇر-سۇلتاندا ينۆەستيتسيالىق فورۋم ءوتتى. سول جەردە «قاسقاسۋ» شاڭعى تۋريزم ورتالىعىن سالۋ بويىنشا جول كارتاسىنا جەتى جاقتى كەلىسىمشارتقا قول قويىلدى. ونىڭ ىشىندە ۇكىمەت، مينيسترلىكتەر، شەتەلدىك ينۆەستور، بانكتەر، اكىمشىلىك بار. بۇل تۋريستىك ورتالىق تۇركىستان ءوڭىرىنىڭ ەكونوميكاسىن كوتەرۋگە ۇلەس قوسادى»، دەدى ءو.شوكەەۆ.

سونىمەن بىرگە ءوڭىر باسشىسى «داربازا-ماقتاارال-جيزاق» تەمىر جولىنىڭ قۇرىلىسى باستالاتىنىن، ول ەكى ەلدىڭ تاۋار اينالىمىنا وڭ ىقپالىن تيگىزەتىنىن مالىمدەدى.

سونداي-اق، تۇركىستان وبلىسىنىڭ وزبەكستانمەن شەكارالاس اۋماعىندا ەكى مەملەكەتتىڭ قاتىسۋىمەن «ورتالىق ازيا» حالىقارالىق ساۋدا-ونەركاسىپ كەشەنى بوي كوتەرەتىنىن جەتكىزدى.

سوڭعى جاڭالىقتار

مۇناي باعاسى كوتەرىلە مە؟

ەكونوميكا • بۇگىن، 23:15

بيلىك جانە ۇلت مەنتاليتەتى

قازاقستان • بۇگىن، 22:54

استاناداعى العاشقى مەشىت

رۋحانيات • بۇگىن، 22:42

الاشوردا وفيتسەرى

قازاقستان • بۇگىن، 22:32

471 مىڭ دوللارعا ساتىلدى

ادەبيەت • بۇگىن، 22:19

شابىت پەن شاراپ

ادەبيەت • بۇگىن، 22:13

ديلەتانتتان داۋىرگە دەيىن

ادەبيەت • بۇگىن، 21:57

ەرتەڭ اۋا رايى قانداي بولادى؟

قازاقستان • بۇگىن، 16:20

ۇقساس جاڭالىقتار