پرەزيدەنت • 08 جەلتوقسان، 2021

قر پرەزيدەنتى گەرمانيانىڭ كانتسلەرىن قۇتتىقتادى

78 رەت كورسەتىلدى

پرەزيدەنت قاسىم-جومارت توقاەۆ گەرمانيانىڭ جاڭادان سايلانعان فەدەرالدىق كانتسلەرى ولاف شولتسكە جەدەلحات جولدادى، دەپ حابارلايدى Egemen.kz.

قازاقستان پرەزيدەنتى قاسىم-جومارت توقاەۆ بارشا قازاقستاندىقتىڭ جانە جەكە ءوزىنىڭ اتىنان ولاف ءشولتستى گەرمانيا فەدەراتيۆتىك رەسپۋبليكاسىنىڭ فەدەرالدىق كانتسلەرى قىزمەتىنە كىرىسۋمەن شىن جۇرەكتەن قۇتتىقتادى.

«بۇل تاريحي وقيعا – حالقىڭىزدىڭ سىزگە جانە ءوزىڭىز باسقارىپ وتىرعان كواليتسياعا ەلىڭىزدىڭ ساياسي-ەكونوميكالىق وركەندەۋىن جالعاستىرۋعا، سونداي-اق ونىڭ حالىقارالىق دەڭگەيدەگى ۇلتتىق مۇددەلەرىن ىلگەرىلەتۋگە باعىتتالعان ماڭىزدى جوسپارلارىڭىزعا ارتقان سەنىمىنىڭ ايقىن دالەلى. وسى تۇستا ءسىزدىڭ قاجىرلى ەڭبەگىڭىز وتانىڭىزدى بۇگىنگىدەن دە بيىك بەلەستەر مەن جاڭا تابىستارعا جەتەلەي بەرۋىنە تىلەكتەستىگىمدى بىلدىرەمىن»، دەلىنگەن قۇتتىقتاۋ حاتتا.

مەملەكەت باسشىسى گەرمانيانى قازاقستاننىڭ ەۋروپالىق وداقتاعى باستى سەرىكتەسى دەپ سانايتىنىن جانە ەكى ەل اراسىنداعى قارقىندى دامىپ كەلە جاتقان ستراتەگيالىق ىنتىماقتاستىقتى نىعايتۋعا ەرەكشە ءمان بەرەتىنىن اتاپ وتكەن.

«قازاق-گەرمان جانە ورتالىق ازيا – ەۋروپالىق وداق فورماتتارىنداعى سان قىرلى ىقپالداستىعىمىزدىڭ مازمۇنىن ودان ءارى بايىتۋ ماقساتىندا، سىزبەن قويان-قولتىق جۇمىس ىستەۋگە دايىن ەكەنىمدى راستايمىن. ورايلى مۇمكىندىكتى پايدالانىپ، ءوزارا ىڭعايلى ۋاقىتتا ءسىزدى قازاقستانعا رەسمي ساپارمەن كەلۋگە شاقىرامىن»، دەپ جازىلعان پرەزيدەنتتىڭ جەدەلحاتىندا.

قاسىم-جومارت توقاەۆ ولاف ءشولتستىڭ يگى باستامالارىنا ساتتىلىك، وتباسىنا باياندى باقىت، ال دوستاس گەرمان حالقىنا مول ىرىس پەن قۇت-بەرەكە تىلەگەن.

سوڭعى جاڭالىقتار

دوللار ارزاندادى

ەكونوميكا • بۇگىن، 16:42

ۇقساس جاڭالىقتار