الەم • 08 جەلتوقسان، 2021

گەرمانيادا مەركەلدىڭ ورنىنا جاڭا كانتسلەر سايلاندى

18 رەت كورسەتىلدى

گەرمانيادا داۋىس بەرۋ قورىتىندىسى بويىنشا، جاڭا كانتسلەر بولىپ سوتسيال-دەموكرات ولاف شولتس سايلاندى، دەپ حابارلايدى Egemen.kz.

كانتسلەر تالقىلاۋسىز جاسىرىن داۋىس بەرۋ ارقىلى سايلانادى. ءبىرىنشى كەزەڭدە جەڭىسكە جەتۋ ءۇشىن ۇمىتكەر باسىم داۋىس جيناۋى كەرەك. بۇل گەرمانيا فەدەراتيۆ رەسپۋبليكاسىنىڭ قازىرگى بۋندەستاگىندا 736 دەپۋتاتتىڭ كەم دەگەندە 369-ى داۋىس بەرۋى كەرەك دەگەندى بىلدىرەدى.

ال ولاف شولتس 395 داۋىس جيناپ العا شىقتى.

گەرمانيا فەدەراتيۆ رەسپۋبليكاسى بۋندەستاگىنىڭ توراعاسى بەربەل باستىڭ مالىمدەمەسىنە سايكەس، داۋىس بەرۋگە 707 دەپۋتات قاتىسىپ، ءۇش بيۋللەتەن جارامسىز دەپ تانىلعان. شولتستىڭ كانديداتۋراسىنا 303 ادام قارسى داۋىس بەرگەن. راسىمگە سايكەس، بۋندەستاگ توراعاسى شولتسكە بۇل داۋىس بەرۋ ناتيجەلەرىن قابىلداي ما دەگەن سۇراقپەن جۇگىندى. ساياساتكەر كەلىسەتىندىگىن مالىمدەدى.

ەلدىڭ ىشكى تارتىبىنە سايكەس، شولتس گەرمانيا فەدەراتيۆ رەسپۋبليكاسىنىڭ پرەزيدەنتى فرانك-ۆالتەر شتاينمايەردەن رەسمي تاعايىنداۋ الۋى كەرەك، سودان كەيىن ول انت بەرەدى. كەيىن جاڭا كانتسلەر رەسمي تۇردە ءوز مىندەتىنە كىرىسىپ، پرەزيدەنتكە كابينەت مينيسترلەرىنىڭ كانديداتۋراسىن ۇسىنادى. گەرمانيانىڭ جاڭا ۇكىمەتىنىڭ ءبىرىنشى وتىرىسى سارسەنبىدە كەشكە وتەدى.

ولاف شولتس كەيىنگى ءۇش جىلدا مەركەل ۇكىمەتىندە كانتسلەردىڭ ورىنباسارى جانە قارجى ءمينيسترى قىزمەتىن اتقارعان.

سوڭعى جاڭالىقتار

شابىت پەن شاراپ

ادەبيەت • بۇگىن، 22:13

ديلەتانتتان داۋىرگە دەيىن

ادەبيەت • بۇگىن، 21:57

ەرتەڭ اۋا رايى قانداي بولادى؟

قازاقستان • بۇگىن، 16:20

اندرادەنى مۋنگيا الماستىرۋى مۇمكىن

كاسىپقوي بوكس • بۇگىن، 14:25

ۇقساس جاڭالىقتار