ەكولوگيا • 08 جەلتوقسان، 2021

«جاسىل ەل» باستامالارىن قولداۋ ماڭىزدى

149 رەت كورسەتىلدى

نۇر-سۇلتان قالاسىندا «جاسىل ەل» جاستار ەڭبەك جاساق­­تارى كەڭەسىنىڭ باسشىسى ءاليا نازارباەۆانىڭ توراعا­لىعىمەن وسى كەڭەستىڭ ءىى وتىرىسى ءوتتى. ءىس-شارا ۇيىمنىڭ XVII جۇمىس ماۋسىمىنىڭ جابىلۋى مەن ەل تاۋەلسىزدىگىنىڭ 30 جىل­دىعىن مەرەكەلەۋ اياسىندا وتكىزىلدى.

جيىندا «جاسىل ەل» ۇيى­مىنىڭ بيىلعى جىلعى جۇ­مىس قورىتىندىلارى مەن الدا­عى جىلدىڭ ماقساتتارى تال­قىلانىپ، شەشىمىن كۇتكەن تۇيتكىلدى ماسەلەلەر قارالدى. كەڭەس توراعاسى ءاليا نازار­باەۆانىڭ ايتۋىنشا، 2021 جىلدىڭ 5 ساۋىرىندە وتكەن كەڭەس­تىڭ ءى وتىرىسىنان كە­يىن ۇيىمنىڭ الدىندا شىم­كەنتتەگى «جاسىل ەل» قىزمەتىن قارجىلاندىرۋ جانە «جاسىل ەلدىڭ» مەديا بويىنشا جۇ­مىسىن كۇشەيتۋ مىندەتى تۇر­دى. ءاليا نازارباەۆا ەكى تاپ­سىرمانىڭ دا ويداعىداي ورىن­دالعانىن بايانداپ، ايماق­تىق شتاب وكىلدەرىنە اتقارعان جۇمىستارى ءۇشىن العىسىن ءبىلدىردى. سونداي-اق توراعا ۇيىمنىڭ «بالاپان» تەلەارناسىمەن بىرلەسىپ «جاسىل ەل» ءمۋلتفيلمىن ءتۇسىرۋ قىز­مەتىن جوعارى باعالادى. «بىرىنشىدەن، اتقارىلعان جۇ­مىستار ءۇشىن ايماقتىق شتاب­تارعا العىس ايتقىم كەلەدى. كەڭەستىڭ ءبىرىنشى وتىرىسى­نىڭ قورىتىندىسى بويىنشا شىمكەنت قالاسىنداعى «جاسىل ەل» شتابىنىڭ جۇ­مىسىنا بيۋدجەتتىك قاراجات ءبولۋ جانە ۇيىمنىڭ قىزمەتىن مەدياسالادا ناسيحاتتاۋ مىن­دەتتەرى العا قويىلعان بولاتىن. وسىلايشا، قازىر «بالاپان» تەلەارناسىندا تابيعاتتى قور­عاۋعا ارنالعان Jasyl el اني­ماتسيالىق فيلمدەرى كور­سەتىلۋدە. بۇل ارقىلى ءبىز بالالارمەن قاتار اتا-انالارىن دا قامتيمىز. ەكىنشىدەن، جوبا بالالاردىڭ ساناسىندا ەكولوگيالىق ادەتتەردىڭ قالىپتاسۋىنا اسەر ەتەدى. بالا كەيىپكەرلەردىڭ وقيعالارىن بىرگە باستان كەشىرەدى، شەشىم تابۋدى ۇيرەنىپ، ەموتسيونال­دى ينتەللەكتتەرى داميدى»، دەدى ول.

توراعا سونداي-اق Jasyl el اتتى جاڭا اعاشتاردى ونلاين وتىرعىزۋ جوباسىنىڭ باس­تالعانىن اتاپ ءوتتى جانە اتالعان جوباعا اكىمدىكتەر تاراپىنان اقپاراتتىق-ۇيىم­داستىرۋشىلىق قولداۋ قاجەت ەكەنىن ايتتى. سونىمەن قا­تار ءا.نازارباەۆا كەڭەس مۇ­شە­لەرىن، كاسىپكەرلەردى، قو­عام قايراتكەرلەرىن جانە قازاق­ستاننىڭ ەكولوگيالىق ۇيىم­دارى قاۋىمداستىعىنىڭ سە­رىكتەستەرىن جوباعا قاتىسۋعا شاقىردى.

«جاسىل ەل» رەسپۋبليكالىق شتابىنىڭ جەتەكشىسى ازامات دانيار  قازاقستاننىڭ تابي­عاتتى قورعاۋ ۇيىمدارى قاۋىم­داستىعىمەن بىرىگىپ ۇيىم­داستىرعان Stopmusor الەۋ­مەتتىك جوباسى تۋرالى ايتتى.

باتىس قازاقستان وب­لى­سىنداعى «جاسىل ەل» شتا­بىنىڭ باسشىسى اسلان تا­پىشەۆ قازاقستان بويىنشا بارلىق شتابتاردىڭ بيىل­عى جۇمىس قورىتىندىلارىن باياندادى. جالپى العاندا، كليماتتىق ايماقتارعا بايلانىستى 28 021 ءتۇپ اعاش كو­شەتتەرى وتىرعىزىلدى، ال جالپى جۇمىس اتقارىلعان جەر اۋماعى 5 508،8 گەكتاردى قۇرادى. سونىمەن قاتار اقتوبە وبلىسىنىڭ شتابى 7 ورمان تالىمباعىندا قو­سىم­شا 2 ميلليوننان استام كوشەت وتىرعىزدى.

كەڭەس توراعاسى ءاليا نا­زارباەۆا «جاسىل ەل» شتاب­تارىنىڭ جۇزەگە اسىرعان جوبالارىمەن قاتار تۇيتكىلدى ماسەلەلەردى شەشۋ تالپىنى­سىنا دا وڭ باعا بەردى. توراعا­نىڭ پىكىرىنشە، بارلىق وڭىر­لەر­دەگى جۇمىستىڭ اشىقتى­عىن قامتاماسىز ەتۋ ءۇشىن «جا­سىل ەل» جۇيەسىن زاڭناما­لىق دەڭگەيدە ورتالىقتاندىرۋ قا­جەت.

«جاسىل ەل» جاساقتارى­نىڭ قازىرگى جۇمىس جۇيەسى جاستار ساياساتىن جۇزەگە اسىرۋدا جانە قورشاعان ورتانى قورعاۋدا قوعام، مەملەكەت جانە ۇكىمەت­تىك ەمەس سەكتور اراسىندا­عى ىنتىماقتاستىقتىڭ تاماشا ۇلگىسى بولىپ تابىلادى. بىراق شەشىمدى قاجەت ەتەتىن ماسەلەلەر دە بار. بۇل ءۇشىن بىرىڭعاي باسقارۋ جۇيە­سىن جاڭارتىپ، جۇمىس جۇيەسىن تسيفرلاندىرۋ قاجەت. كەڭەس مۇشەلەرىن «جاسىل ەلدىڭ» ورتالىقتاندىرىل­عان جۇيەسىن زاڭنامالىق دەڭگەي­دە قالىپتاستىرۋعا كومەكتەسۋ­دى سۇرايمىن»، دەدى ءاليا نا­زار­باەۆا.

بۇل ورايدا ءماجىلىس دەپۋتاتى، «جاسىل ەل» كەڭەسىنىڭ مۇشەسى ەلدوس اباقانوۆ «جا­سىل ەل» جاستار ەڭبەك جا­ساق­تارىنىڭ رەسپۋبليكالىق شتا­بىن قازاقستان رەسپۋب­ليكاسىنىڭ نورماتيۆتىك قۇ­قىقتىق اكتىلەرىنە ەنگىزۋ ما­سەلەسىن قاراستىرۋدى ۇسىندى.

جيىن سوڭىندا كەڭەس تور­اعاسى ءاليا نازارباەۆا «جاسىل ەل» وبلىستىق شتا­بىنىڭ ۇزدىك وكىلدەرىنە العىس حاتتار تابىس ەتتى.

ەستەرىڭىزگە سالا كەتەيىك، «جاسىل ەل» جاستار ەڭبەك جا­­ساقتارى – ەكولوگيالىق جو­با­لار مەن مەملەكەتتىك باع­دار­لامالاردى جۇزەگە اسىرۋ ار­قىلى جاستاردى ماۋسىمدىق جۇمىسپەن قامتۋ، قالالار مەن ەلدى مەكەندەردى كوگالداندىرۋ جانە اباتتاندىرۋ، جاستاردى پاتريوتتىققا تاربيەلەۋمەن اينالىساتىن قوزعالىس. قوز­عالىس 2005 جىلى ەلباسى نۇر­سۇلتان نازارباەۆتىڭ باستاماسىمەن قۇرىلعان.

سوڭعى جاڭالىقتار

تمد ءسامميتى قازان ايىندا وتەدى

پرەزيدەنت • بۇگىن، 19:56

ۇقساس جاڭالىقتار