تاۋەلسىزدىكتىڭ 30 جىلدىعى • 07 جەلتوقسان، 2021

«Egemen Qazaqstan» گازەتىنىڭ ءتىلشىسى حالىقارالىق كونكۋرستا جەڭىمپاز اتاندى

56 رەت كورسەتىلدى

«Egemen Qazaqstan» گازەتىنىڭ ءتىلشىسى اباي وتار قر تۇڭعىش پرەزيدەنتى – ەلباسى كىتاپحاناسىندا باق قىزمەتكەرلەرى اراسىندا ۇيىمداستىرىلعان «قازاقستان تاۋەلسىزدىگى جانە ەلباسى» حالىقارالىق كونكۋرسىنىڭ «گازەتتەر مەن جۋرنالدارداعى ۇزدىك ماقالا» اتالىمىندا جەڭىمپاز اتاندى. سونداي-اق بۇگىن بايقاۋدىڭ بيىلعى جۇلدەگەرلەرى ماراپاتتالدى، دەپ حابارلايدى Egemen.kz.

«بۇل شارا جىل سايىن تاۋەلسىزدىك كۇنى قارساڭىندا وتكىزىلىپ، جاقسى داستۇرگە اينالدى. بيىل كونكۋرسىمىز 6-شى رەت وتۋدە جانە تاۋەلسىزدىگىمىزدىڭ 30 جىلدىق مەرەيتويىنا تۇسپا-تۇس كەلىپ وتىر. بايقاۋ قازاقستاننىڭ تاۋەلسىزدىك جىلدارىنداعى جەتىستىكتەرىن ناسيحاتتاۋعا، قازاقستاننىڭ تۇڭعىش پرەزيدەنتى نۇرسۇلتان نازارباەۆتىڭ يدەيالارى مەن باستامالارىن ىلگەرىلەتۋگە باعىتتالعان. تەگىندە، ونى قۇرايتىن تاريحي مۇرا.

بۇل ءراسىمنىڭ تۇڭعىش پرەزيدەنت كۇنى مەن تاۋەلسىزدىك كۇنى اراسىندا ءوتۋىنىڭ تەرەڭ سيمۆولدىق ءمانى بار. ويتكەنى، تاۋەلسىزدىك جانە ەلباسى ن.نازارباەۆ ۇعىمدارى ءبىر-بىرىمەن تىعىز بايلانىستى. سەبەبى ءبىزدىڭ ەلىمىزدىڭ بارلىق جەتىستىكتەرى ن.نازارباەۆتىڭ قازاقستان كوشباسشىسى رەتىندەگى قىزمەتىنىڭ تىكەلەي ناتيجەسى بولىپ سانالادى. وتاندىق باق تا – ءبىزدىڭ تاۋەلسىزدىگىمىزدىڭ ماڭىزدى قۇندىلىقتارىنىڭ ءبىرى. سوڭعى 30 جىلدا ولار ەلمەن بىرگە ۇلكەن جولدان ءوتتى، شىنايى ءتورتىنشى بيلىككە اينالىپ، تانىمال جۋرناليستەر توبىن قۇردى»، دەدى «قر تۇڭعىش پرەزيدەنتى – ەلباسى كىتاپحاناسى» مم ديرەكتورى باقىتجان تىلەۋبولات سالتاناتتى راسىمدە.

سونىمەن بىرگە، كونكۋرس كوميسسياسىنىڭ مۇشەسى دارحان مىڭباي قازىرگى الەمدە باق-تىڭ الاتىن ورنى، ماڭىزى ەرەكشە ەكەنىن، سوندىقتان مۇنداي بايقاۋلاردى وتكىزۋ قاجەت ەكەنىن اتاپ ءوتتى.

«بۇل بايقاۋ 2016 جىلدان بەرى وتكىزىپ كەلەدى جانە جىل سايىن ساپاسى دا ارتىپ كەلەدى. ياعني تەك حاباردى جاساۋشىلار عانا ەمەس، ونى تۇتىناتىن ادامداردىڭ دا تالعامى كوتەرىلىپ كەلەدى. بايقاۋدىڭ تاعى ءبىر ەرەكشەلىگى – تەك قازاقستاننان ەمەس، الەم جۋرناليستەرى دە قاتىسا الادى. بۇل قازاقستاندى الەمگە تانىتۋدىڭ ءبىر جولى دەپ بىلەمىز. بيىل تمد ەلدەرىنەن، كانادا مەن يزرايلدەن ماتەريالدار كەلىپ ءتۇستى. بۇل قازاقستانعا، قازاقستاننىڭ ەكونوميكاسىنا قىزىعۋشىلىقتىڭ ارتۋىنان دەپ ەسەپتەيمىن. جۋرناليستيكادا، ەكونوميكادا جانە بارلىق سالادا شەكارا جوق زاماندا مۇنداي كونكۋرستاردىڭ پايداسى زور دەپ ويلايمىن. ول تىلشىلەر مەن كونتەنتتىڭ ساپاسىن كوتەرۋدە دە ۇلكەن ءرول وينايدى»، دەدى دارحان مىڭباي.

ەڭ الدىمەن «شەتەلدىك باق-تاعى ۇزدىك جاريالانىم» اتالىمىندا ءى ورىن تۇركيالىق Business Turk جۋرنالىنىڭ قىزمەتكەرى مۇحاممەد رۋزۋبايعا بەرىلدى.

ءىى ورىن – ۇلىبريتانيالىق نيك فيلدينگكە (East-West Review Journal) جانە ءىىى ورىن رەسەيلىك اندرەي ۆىپولزوۆقا (روسسيسكو-كازاحستانسكي پرەسس تسەنتر، گازەتا «ارگۋمەنتى ي فاكتى») بەرىلدى.

«گازەتتەر مەن جۋرنالدارداعى ۇزدىك ماقالا» بويىنشا «ەگەمەن قازاقستان» گازەتىنىڭ ءجۋرناليسى اباي وتار توپ جاردى.

ءىى ورىندى يگور پروحوروۆ («كازاحستانسكايا پراۆدا» گازەتى)،

ءىىى ورىن عالىم قوجابەكوۆ («استانا اقشامى» گازەتى) يەلەندى.

«عالامتور باق-تاعى ۇزدىك جاريالانىم» اتالىمىندا اسەل الىشەۆا («دەلوۆوي كازاحستان» گازەتى)، تاتيانا كازانتسەۆا («ليتەر» گازەتى) جانە اتساليم يديگوۆ («وگني الاتاۋ» گازەتى) ءى، ءىى جانە ءىىى ورىندارمەن ماراپاتتالدى.

«ۇزدىك تەلەۆيزيالىق ماتەريال» نوميناتسياسىندا «حابار» اگەنتتىگىنەن ءىنجۋ قابىلدينا ءى ورىن الدى.

Astana TV ءتىلشىسى يرينا يانينينا مەن «Qazaqstan Saryarqa» ءتىلشىسى ۆيتالي نەسىپباەۆ ءىى جانە ءىىى ورىنداردى يەلەندى.

«ۇزدىك راديوماتەريال» اتالىمىندا ءى ورىن – سالتانات سادىبەكوۆاعا (قازاق راديوسى)،

ءىى ورىن – الميرا ەلىمساريناعا (قازاق راديوسى) جانە ءىىى ورىن ەۆگەنيا گريشانيناعا (راديو نس) تابىستالدى.

جۇلدەگەرلەرگە ءبىرىنشى ورىن ءۇشىن 1 ميلليون تەڭگە، ەكىنشى ورىن ءۇشىن – 700 مىڭ تەڭگە جانە ءۇشىنشى ورىنعا – 500 مىڭ تەڭگەدەن اقشالاي سەرتيفيكات تابىستالدى.

سوڭعى جاڭالىقتار

نگاننۋ ءجۋرناليستىڭ اۋزىن جاپتى

جەكپە-جەك • بۇگىن، 18:00

ۇقساس جاڭالىقتار