ەلوردا • 07 جەلتوقسان، 2021

ەلوردانىڭ شەت ايماقتارىن دامىتۋ جانە اباتتاندىرۋ: قر پرەزيدەنتىنىڭ تاپسىرمالارى قالاي ورىندالىپ جاتىر

67 رەت كورسەتىلدى

نۇر-سۇلتاندا اۋدانداردى اباتتاندىرۋ جۇمىستارى جۇيەلى تۇردە جالعاسۋدا. قۇرىلىس مەملەكەت باسشىسىنىڭ قازاقستان حالقىنا جولداۋىن ىسكە اسىرۋ شەڭبەرىندە جانە قالا باسشىلىعىنىڭ تاپسىرماسىن ورىنداۋ ماقساتىندا «نۇر-سۇلتان — جايلى قالا» ماستەر – جوسپارىنىڭ تۇجىرىمداماسىن جۇزەگە اسىرۋ اياسىندا جۇرگىزىلۋدە. بۇل تۋرالى ەلوردا اكىمدىگىنىڭ رەسمي سايتى حابارلادى، دەپ جازادى Egemen.kz.

بايقوڭىر اۋدانىندا 237 اۋلا بار. وسى جىلى 57 اۋلادا 9 فۋتبول الاڭى، 2 باسكەتبول الاڭى، 210 كوشە ترەناجەرى، 570 بىرلىك شاعىن ساۋلەت نىساندارى ورناتىلدى. اباتتاندىرۋ كەزەڭىندە اۋداندا 12 000 شارشى مەتر اۋماق توسەلگەن تاسپەن (برۋسچاتكامەن)، ال 19 000 شارشى مەتر - اسفالتبەتون جابىنىمەن جابىلدى. وتپە جولدار، تۇراق ايماقتارى جايلاستىرىلدى، سونداي-اق كوگالداندىرۋ جۇرگىزىلدى. بيىل «حالىق قاتىساتىن بيۋدجەت» جوباسى اياسىندا 8 اۋلا مەن 1 سكۆەردى اباتتاندىرۋ جۇرگىزىلدى. باعدارلامانىڭ ماقساتى-تۇرعىنداردىڭ باستاماسى جانە ۇسىنىستارى بويىنشا اۋداندى دامىتۋ جانە اباتتاندىرۋ.

سونىمەن قاتار 4 قوعامدىق كەڭىستىكتى جايلاستىرۋ بويىنشا جۇمىستار جۇرگىزىلدى، ونىڭ ىشىندە: «قۇتقارۋشىلار» سكۆەرى، رەسپۋبليكا داڭعىلى مەن سەيفۋللين جانە جولىمبەت كوشەلەرى بويىنداعى جاياۋ جۇرگىنشىلەر جانە قوعامدىق كەڭىستىكتەر.

تاعى 3 قوعامدىق كەڭىستىكتە جۇمىس جۇرگىزىلىپ جاتىر، ولاردى جىل سوڭىنا دەيىن اياقتاۋ جوسپارلانىپ وتىر.

ز

ايتا كەتۋ كەرەك، قوعامدىق كەڭىستىكتى جايلاستىرۋ كەزىندە تۇرعىنداردىڭ پىكىرى ۇنەمى ەسكەرىلەدى، شەشىمدەر ۇجىمدىق تۇردە قابىلدانادى. اتاپ ايتقاندا، ۋچاسكەلەر بەلگىلى ءبىر ايماقتارعا ءبولىندى – ەرەسەكتەر، جاستار، سونداي-اق ەگدە جاستاعىلار ءۇشىن. ءار كەڭىستىكتە، جاس ەرەكشەلىكتەرىنە قاراماستان، بارلىق تۇرعىندار بوس ۋاقىتىن وتكىزە الادى، مۇندا كوشە ترەناجەرلەرىنىڭ ەلەمەنتتەرى بار بالالار، سپورت جانە گيمناستيكا الاڭدارى، كوشە ۆوركاۋتى مەن سكەيت الاڭدارى، ساندىك كوشە بۇرىلىستارى، ورىندىقتار مەن ۋرنالارى بار پراكتيكالىق كولەڭكەلى شاتىرلار بار.

ەسىل اۋدانىندا دا اۋقىمدى جۇمىستار جالعاسۋدا. مۇندا «ۇركەر»، «پريگورودنىي» جانە «تەلمان» تۇرعىن الاپتارى اباتتاندىرىلادى. ءاربىر ۋچاسكە كەلەسى كورسەتكىشتەر بويىنشا جاڭارتىلادى: جەلىلەر مەن جولداردىڭ قۇرىلىسى، جولداردى جوندەۋ، سانيتارلىق تازالاۋ، سۋ تاسقىنىنا قارسى كۇرەس، جارىقتاندىرۋ جانە اباتتاندىرۋ. مىسالى، تەك «تەلمان» تۇرعىن الابىندا ۇزىندىعى 120 م تروتۋار سالۋ بويىنشا جۇمىستار جۇزەگە اسىرىلدى.

ز

الماتى اۋدانىندا ءبىر جىلدا 53 اۋلا جانە 8 قوعامدىق كەڭىستىك اباتتاندىرىلدى. ايتا كەتۋ كەرەك، اباتتاندىرۋدى جوسپارلاۋ كەزىندە كەڭەسكە تۇرعىن الاپتار مەن ورامداردىڭ تۇرعىندارى شاقىرىلادى. قوعامدىق كەڭىستىكتەر اراسىندا «نۇر-سۇلتان – جايلى قالا» تۇجىرىمداماسى اياسىندا جاڭا قالالىق جاعاجايدى، سارايشىق كوپىرى بويىنداعى «سيرەن سكۆەرىن»، ابىلاي حان داڭعىلى، «جاستار» ساياباعىندا NS Streetlife، ترياتلون پاركى الدىنداعى اللەيانى، ەسىل وزەنى بويىنداعى ءىرى بالالار ويىن الاڭىن جانە اقتاستى كوشەسىن جايلاستىرۋ بويىنشا جۇمىستار جۇرگىزىلدى.

سونىمەن قاتار، 2021 جىلى نۇر-سۇلتاندا 107 كوشەدە 46 كم جول، ونىڭ ىشىندە 31 ورتالىق كوشە، ون تۇرعىن الابىندا 60 كوشە جانە الەۋمەتتىك نىساندارعا كىرەتىن 16 جول جوندەلدى. وڭتۇستىك-شىعىس تۇرعىن الابىنىڭ وزىندە 14 كوشەگە جوندەۋ جۇمىستارى جۇرگىزىلدى. ءدال وسىنداي كوشە سانى كوكتال-1-دە جوندەلدى.

ەستەرىڭىزگە سالا كەتەيىك، ەلوردا اكىمدىگى اۋلالار مەن قوعامدىق كەڭىستىكتى اباتتاندىرۋعا ەرەكشە كوڭىل بولەدى. قالا اكىمى التاي كولگىنوۆتىڭ تاپسىرماسى بويىنشا «نۇر-سۇلتان-جايلى قالا» ماستەر - جوسپارى اياسىندا 500-دەن استام اۋلا مەن قوعامدىق كەڭىستىكتەر (ساياباقتار، سكۆەرلەر، بۋلۆارلار) اباتتاندىرىلدى.

زد

وتكەن جىلى نۇر-سۇلتاندا 76 گەكتاردان استام جەر اباتتاندىرىلىپ، 150-دەن استام اۋلا مەن 60 قوعامدىق كەڭىستىك (ساياباقتار، سكۆەرلەر، بۋلۆارلار) اباتتاندىرىلدى. «نۇر-سۇلتان-جايلى قالا» ماستەر - جوسپارىنا سايكەس 2021 جىلى جالپى العاندا 190-نان استام اۋلا مەن قوعامدىق كەڭىستىك اباتتاندىرىلدى.

اۋلالاردى اباتتاندىرۋ كەزىندە پرەزيدەنتتىڭ تاپسىرماسى بويىنشا كوگالداندىرۋعا ەرەكشە كوڭىل بولىنەدى. بيىل ەلوردادا 1 ميلليوننان استام جاسىل جەلەك (بۇتالار، اعاشتار، كوشەتتەر) وتىرعىزىلدى.

سوڭعى جاڭالىقتار

ەرتەڭ اۋا رايى قانداي بولادى؟

قازاقستان • بۇگىن، 16:20

اندرادەنى مۋنگيا الماستىرۋى مۇمكىن

كاسىپقوي بوكس • بۇگىن، 14:25

ۇقساس جاڭالىقتار