شقو پوليتسيا دەپارتامەنتى ءباسپاسوز قىزمەتىنىڭ مالىمەتىنە سۇيەنسەك, «102» جەدەل ارناسىنا 24 جاستاعى ازامات حابارلاسقان.
ءوز سوزىندە ول نارىقتىق باعادان الدەقايدا ارزانعا پاتەر ساتىپ الىپ بەرەتىندىگىن ايتقان بەيتانىس ايەلگە 3 ملن تەڭگە بەرگەنىن جەتكىزدى.
«جەدەل ىزدەستىرۋ شارالارىن جۇرگىزگەن ءتارتىپ ساقشىلارى بۇرىن وسىنداي قىلمىس جاساعانى ءۇشىن سوتتى بولعان 27 جاستاعى قالا تۇرعىنىن ۇستادى. سونداي-اق ونىڭ ءدال وسى ادىسپەن تاعى ەكى ادامدى الداپ سوققانى بەلگىلى بولدى. 52 جانە 27 جاستاعى زارداپ شەگۋشى 6 850 000 تەڭگە شىعىنعا باتقان. كۇدىكتى ءوز كىناسىن مويىندادى», دەدى وبلىستىق پد باستىعى ساعات ماديەۆ.
قازىرگى ۋاقىتتا اتالعان فاكتى بويىنشا قر قك-ءنىڭ 190-بابى 3-بولىگىنە سايكەس تەرگەۋ امالدارى جالعاسۋدا.
