قازاقستان • 06 جەلتوقسان، 2021

قازاقستان پاريج كەزدەسۋىنىڭ قورىتىندىلارىن قۇپتايدى – ءسىم

30 رەت كورسەتىلدى

قازاقستان رەسپۋبليكاسى يادرولىق قارۋدى تاراتپاۋ تۋرالى شارتتىڭ (ياقتش) 10-شى شولۋ كونفەرەنتسياسى قارساڭىندا 2021 جىلعى 2-3 جەلتوقساندا پاريجدە وتكەن ياقتش بويىنشا بەس يادرولىق مەملەكەتتەر كونفەرەنتسياسىنىڭ قورىتىندىلارىن قۇپتايدى، دەپ حابارلايدى Egemen.kzء سىم-گە سىلتەمە جاساپ.

قازاقستان يادرولىق قارۋسىزدانۋ مەن يادرولىق قارۋدى تاراتپاۋدىڭ جاھاندىق رەجيمىن نىعايتۋدىڭ دايەكتى جاقتاۋشىسى بولا وتىرىپ، ياقتش-تى امبەباپتاندىرۋدى جانە ونىڭ ەرەجەلەرىن بارلىق قاتىسۋشى مەملەكەتتەردىڭ مۇلتىكسىز ورىنداۋىن قولدايدى. شولۋ كونفەرەنتسياسىن ناتيجەلى وتكىزۋ ماقساتىندا اشىق، ينكليۋزيۆتى جانە ترانسپارەنتتى ديالوگتى قامتاماسىز ەتۋ قاجەتتىلىگىن ۇستانادى.

«ياقتش شەڭبەرىندەگى يادرولىق مەملەكەتتەردىڭ ەرەكشە مارتەبەسى مەن جاۋاپكەرشىلىگىن نازارعا الا وتىرىپ، يادرولىق «بەستىك» پاريج كەزدەسۋىنىڭ قورىتىندىلارىن جوعارى باعالايمىز. اتاپ ايتقاندا، تاراپتاردىڭ وزدەرىنىڭ يادرولىق دوكترينالارىنداعى جانە يادرولىق ساياساتىنداعى جاڭارتۋلار تۋرالى اقپاراتتىڭ الماسۋىن قوسا العاندا يادرولىق قاقتىعىستار قاۋپىن ازايتۋ جونىندەگى شارالاردى، يادرولىق مەملەكەتتەردىڭ يادرولىق سىناقتارعا جاپپاي تىيىم سالۋ تۋرالى شارتتىڭ (ياسجتسش) كۇشىنە ەنۋ ماڭىزدىلىعىن تالقىلاۋىن، سونداي-اق كونفەرەنتسيا قاتىسۋشىلارىنىڭ ەشبىرەۋدىڭ قاۋىپسىزدىگىنە زيان كەلتىرمەي يادرولىق قارۋدان ازات ايماق قۇرۋ جونىندەگى تۇپكى ماقساتتى قولداۋىن راستاعانىن وڭ باعالايمىز.

قازاقستان يادرولىق قارۋدان ازات ايماقتاردىڭ ماقساتتارىنا بەيىلدىلىگىنە قوسىلادى جانە ورتالىق ازيادا يادرولىق قارۋدان ازات ايماق تۋرالى شارتقا تەرىس كەپىلدىكتەرى تۋرالى حاتتامانى راتيفيكاتسيالاۋ پروتسەسىن تەز ارادا اياقتاۋ قاجەتتىلىگىن ەسكە سالادى.

قازاقستان الەمدىك قوعامداستىقتى ەلىمىز باستاماشىلىق ەتكەن ياقتش-تىڭ VI بابىن جۇزەگە اسىرۋعا باعىتتالعان يادرولىق قارۋدان ازات الەم قۇرۋ تۋرالى جالپىعا ورتاق دەكلاراتسيانىڭ ەرەجەلەرىن قولداۋعا شاقىرادى. ءبىز بۇل قۇجاتتى قاۋىپسىز بولاشاقتىڭ جول كارتاسى رەتىندە قاراستىرامىز»، دەپ جازىلعان سىرتقى ىستەر مينيسترلىگى تاراتقان حابارلامادا.

سوڭعى جاڭالىقتار

نگاننۋ ءجۋرناليستىڭ اۋزىن جاپتى

جەكپە-جەك • بۇگىن، 18:00

ۇقساس جاڭالىقتار